ខេត្តក្រចេះ ៖ លោក ហ៊ាង ជាមេឈ្មួញឈើដុះស្លែនៅភូមិអូរកណ្ដៀរ ជិះឡានហាយលែនឌ័រពណ៍ ស្ករ បើកពីក្រោយឡានដឹកឈើ ដើម្បីបង់លុយឲ្យសមត្ថកិច្ចតាមដងផ្លូវ ដើម្បីបញ្ចៀសខ្សែភ្នែកមហាជន និងជួយបិទបាំងទុកមុខឱ្យសមត្ថកិច្ច រឿងស៊ុំគ្រលំ ក្នុងការដឹកជញ្ជូនឈើល្មើសច្បាប់ ដែលតែងតែរងការចោទប្រកាន់ពីមជ្ឈដ្ឋាននានាថា សមត្ថកិច្ចបានពាក់ព័ន្ធទទួលយកលុយក្បាលឡានពីពួកឈ្មួញ ជំនួសការបង្ក្រាបរឹបអូស ក្រុមឈ្មួញធ្វើសកម្ម ភាពដឹកជញ្ជូនឈើតែពេលយប់ៗ ព្រោះតែជាអំពើឃុបឃឹតគ្នាជាប្រពន្ធ័មួយ ធ្វើឱ្យហិនហោចព្រៃឈើនៅភូមិភាគឦសាន និង នៅតែជាក្តីព្រួយបារម្ភ ដែលភាពហិនហោចនេះកំពុងរងការកាប់បំផ្លាញយ៉ាងរាលដាលនៅបច្ចុប្បន្ននេះដោយពួកឈ្មួញមានអំណាចទឹកលុយ។
ក្នុងរូបភាព និងវីដេអូ នេះ ជាសកម្មភាពពួករបស់ក្រុមឈ្មួញធ្វើសកម្មភាព ដឹកឈើជារៀងរាល់យប់ ឆ្លងកាត់ទីស្នាក់មេព្រៃអូរគ្រៀង និងខេត្តក្រចេះ កាត់តាមស្រុកឆ្លូង,ស្រុកតំបែរយកទៅលក់ចែកចាយតាមដេប៉ូនានា ក្នុងខេត្តត្បូងឃ្មុំ ,កំពង់ចាម,និងព្រៃវែងយ៉ាងរលូន ឆ្លងកាត់ប៉ុស្តិ៍ជំនាញ ប៉ុស្តិ៍ត្រួតពិនិត្យលើដងផ្លូវពុំមានការឃាត់ចាប់ឡើយ ដោយមានការបង្ហើបឱ្យខឹងថាក្រុមឈ្មួញមុននឹងដឹកជញ្ជូនចេញពីគោលដៅ ។ ឈើទាំងនេះពួកឈ្មួញ ប្រមូលទិញមកពីម្ដុំឆ្វាំង,វាលដេញ ស្ថិតក្នុងទឹកដីស្រុកថាឡាបរិវ៉ា ត់ ខេត្តស្ទឹងត្រែង ជាប់ព្រំប្រ ទល់នឹងស្រុកឆែប ខេត្តព្រះវិហារ ៕