ទិតាំងល្បែងស៊ីសងបៀ អាប៉ោងដុះស្លែដ៏ធំគ្រាក់របស់លោកតាលនឹងលោកខន ដែលជ្រកក្រោមស្លាបបនភ្នាល់ទឹកភ្លៀង ដែលមានទីតាំងមានអាយុរាប់ទស្សវត្ស ស្ថិតនៅចំណុចវាលស្រែ១០០០ ក្នុងសង្កាត់អូរចារ ក្រុងបាត់ដំបង ខេត្តបាត់ដំបង មិនត្រូវបានសមត្ថកិច្ចក្រុងបាត់ដំបងណាម្នាក់ហ៊ានចុះបង្ក្រាបនោះឡើយ ដោយមូលហេតុចុះបង្ក្រាបម្ត៉េចនិងកើតបើសមត្ថកិច្ចជំនាញអស់នោះត្រូវថ្នាំសណ្តំជាប្រាក់ដូល្លារអាមេរិចពីមេបនល្បែងទាំងនោះឆ្អែតយ៉ាងហល់ដេកលក់បាត់ហើយនោះ។
ប្រភពពត័មានពីប្រជាពលរដ្ឌបានអោយដឹងថាបន ល្បែងស៊ីសងគ្រប់ប្រភេទដែលអាចបើកលេងបានយ៉ាងរលូនបែបនេះបានក៏ដោយមានការបើកភ្លើងខៀវពីសមត្ថកិច្ចខេត្ត-ក្រុងបាត់ដំបងយ៉ាងពិតប្រាកដណាស់ទើបមេបនល្បែងឈ្មោះតាលនឹងខន ឡើងចាងដោយពុំមានកោតក្រែងរអែងអ្វីបន្តិចសោះ។
វាជាការពិតបនល្បែងដែលកើតមានយ៉ាងប៉ាចហាចបែបនេះបង្កឲ្យប៉ះពាល់ដល់សុវត្ថភាព ភូមិឃុំដែលជាមូលហេតុអោយកើតមានជាចោរលួច ចោរប្លន់ និងជាប្រភពនៃអំពើហឹង្សាក្នុងគ្រួសារផងដែរ។ ពោល គឺល្បែងគ្រប់ប្រភេទទាំងអស់នេះធ្វើអោយសង្គមវឹកវរ អ្នកឈ្នះមុខខ្លាញ់ អ្នកចាញ់មុខសេះ ដល់ពេលអស់តំរិះដោយពុំមានប្រាក់ចាយតាំងបែកគំនឹតធ្វើចោរ នោះមិនកាន់តែវឹកវរហើយទេអី។
ប្រជាពលរដ្ឌរស់នៅក្នុងខេត្តបាត់ដំបង បានធ្វើការរិះគន់យ៉ាងចាស់ដៃទៅលើមន្ត្រីប៉ូលិសអធិការក្រុងបាត់ដំបង នឹងជាពិសេសវាយចំៗចំពោះលោកស្នងការ អ៊ុចសុខុន ស្នងទើបចូលកាន់ដំណែងថ្មី ព្រមទាំងមេប៉េអឹមថ្មី ឯឧ មាសសុវណ្ណ តើមានចំណាត់ការយ៉ាងណាចំពោះមេបនល្បែងស៊ីសងគ្រប់ប្រភេទដូចជាបៀ អាប៉ោង ល្បែងភ្នាល់ទឹកភ្លៀង របស់លោកតាល នឹងតាខនដែលបើកលេងដ៏សំដិលបែបហ្នឹង ៕