កំពង់ឆ្នាំង ៖ ប្រជាពលរដ្ឋមួយចំនួននៅតាមបណ្តាសង្កាត់ទាំង៤ក្នុងក្រុងកំពង់ឆ្នាំង បាននិយាយត្អូញត្អែរទាំងការឈឺចាប់ និងបានលើកឡើងថា បើទោះបីប្រមុខរដ្ឋាភិបាល សម្ដេចតេជោ ហ៊ុន សែន បានខិតខំដាក់ចេញនូវគោលនយោបាយ និងយុទ្ធសាស្ត្រកែទម្រង់ស៊ីជម្រៅ និងបានបញ្ចុះតម្លៃភ្លើងរហូតដែលអាចទទួលយកបាន។
ប្រជាពលរដ្ឋបន្តថា ក្រុមហ៊ុនអគ្គឺសនីខេត្តកំពង់ឆ្នាំងមានជំនាញខាងចុចបិតចុចបើកៗផ្ដាច់ភ្លើង ធ្វើអោយគីឡូភ្លើងនៅតាមផ្ទះឡើងរហូតតែម្ដង ប្រជាពលរដ្ឋលក្ខខណ្ឌសុំមិនបញ្ចេញឈ្មោះ ពីព្រោះខ្លាចគេផ្តាច់ភ្លើងលែងបានប្រើ បានធ្វើការរិះគន់ថា កុងទ័រអគ្គីសនីរបស់ក្រមហ៊ុនអគ្គីសនី អ៊ុង សុវណ្ណនី អេឡិចទ្រីស៊ីធី ឌីវេឡុបមែន គឺមានភាពវ័យឆ្លាតណាស់ គឺវាចេះជួយរកចំណូល អោយថៅកែរបស់វា យ៉ាងពេញចិត្ត ។
កាលពីថាមពលអគ្គិសនី១គីឡូវ៉ាត់ម៉ោងតម្លៃ១២០០ រៀល ពួកគាត់ប្រើអស់ប្រមាណ ១០ម៉ឺន ឬ ១២ម៉ឺនប៉ុណ្ណោះក្នុង១ខែ ខណៈសម្ដេចតេជោ ហ៊ុន សែន បានខិតខំ ហើយបានបច្ចុះតម្លៃភ្លើងនោះ ប៉ុន្តែថាមពលក្រុមហ៊ុនអគ្គឺសនីខេត្តកំពង់ឆ្នាំង ក្នុង១គីឡូវ៉ាត់ម៉ោង តម្លៃ៧៩០រៀល ស្រាម់តែផ្ទះរបស់ពួកគាត់គឺកើន គីឡូភ្លើងទៅវិញ ដែលធ្វើអោយពួកគាត់ចំណាយប្រាក់សម្រាប់បង់ថ្លែភ្លើងរហូតដល់២០ម៉ឺន ឬ ជាង៣០ម៉ឺនរៀលឯណោះ។
បើទោះជាគាត់ប្រើប្រាស់ដូចធម្មតា ឬសន្សំសំចៃយ៉ាងណាក៍ដោយ មិនតែប៉ុណ្ណោះនៅកន្លែងខ្លះចេញវិក័យបត្រ័មកអស់ជាង៣០ម៉ឺនរៀល ដែលធ្លាប់តែរាល់ដងប្រើអស់តែជាង១០ម៉ឺនប៉ុណ្ណោះ ។
ពាក់ព័ន្ធព័ត៌មានខាងលើ នៅព្រឹកថ្ងៃទី១៨ ខែឧសភា ឆ្នាំ២០១៨នេះ អ្នកយកព័ត៌មានយើងនៅមិនទាន់អាចទំនាក់ទំនងសុំការបំភ្លឺបាននៅឡើយទេ តំណាងក្រុមហ៊ុន អ៊ុង សុវណ្ណនី អេឡិចទ្រីស៊ីធី ឌីវេឡុបមែន
បើទោះយ៉ាងណាប្រជាពលនៅតែបន្តរិះគុនយ៉ាងខ្លាំងនិងស្នើសុំអភិបាលនៃគណៈអភិបាលខេត្តកំពង់ឆ្នាំងឯកឧត្ដមឈួរ ចន្ទ័ឌឿនមេត្តាចាត់វិធានការអន្តរាគមន៏ជួយដល់ប្រជាពលរដ្ឋជាម្ចាស់ឆ្នោតផងទាន។
ការលើកយកព័ត៌មាននូវមតិរិះគន់ និងសំណូមពរ របស់ប្រជាពលរដ្ឋ មកធ្វើការផ្សព្វផ្សាយនេះ អង្គភាពស្លឹករឹត មិនមានគោលបំណងអ្វី ក្រៅពីដើម្បីស្ថាបនា កែលំអ និងជាការចូលរួមចំណែកកាត់បន្ថយភាពក្រីក្រដល់ប្រជាពលរដ្ឋ ស្របតាមគោលនយោបាយយុទ្ធសាស្ត្រកំណែ ទម្រង់ស៊ីជម្រៅរបស់ប្រមុខរាជរដ្ឋាភិបាល សម្តេចតេជោ ហ៊ុន សែន ៕