បន្ទាយមានជ័យ ៖តាំងពីលោក សាន វិជ្ជាសារ៉ាវុធ ឡើងកាន់ជាប្រធានសាខាកាំកុងត្រូលខេត្តបន្ទាយមានជ័យ ជំនួសលោក ស៊ាន ស៊ីណាត ដែលត្រូវថ្នាក់លើធ្វើការផ្លាស់ប្តូរទៅកន្លែងផ្សេង គេមើលឃើញសាច់មាន់ចម្រុះ និងពោះជ្រូក ពិសេសប្រហិតត្រូវឈ្មួញដឹកចូលមកកម្ពុជាតាមច្រកទ្វារអន្តរជាតិមួយថ្ងៃៗ រាប់សិបរទេះដែក និងឈើ មិនដែលឃើញអស់លោកមន្ត្រីជំនាញកាំកុងត្រូលប្រចាំច្រកទ្វារអន្តរជាតិប៉ោយប៉ែតបើកភ្នែកមើលនោះទេ ហាក់បីដូចជាគ្មានអ្វីកើតឡើងចឹង ខណៈសុខភាពពលរដ្ឋបច្ចុប្បន្ន ទាំងអ្នកមាន អ្នកក្រ រត់រកពេទ្យក្នុង និងក្រៅប្រទេស ជារៀងរាល់ថ្ងៃ គឺដោយសារបញ្ហាសុខភាពទទួលទានបន្លែត្រីសាច់នាំចូលពីប្រទេសជិតខាង។
កាលពីថ្ងៃ27 ខែមិថុនា ឆ្នាំ2018នេះ នៅម៉ោង5:ជាងល្ងាច មន្ត្រីជំនាញកាំកុងត្រូលបានចាប់សាច់មាន់មួយរទេះ នៅលើដងផ្លូវជាតិលេខ៥ ក្នុងភូមិក្បាលកោះ សង្កាត់និងក្រុងប៉ោយប៉ែត សង្ស័យមកពីការធ្វើសប្រហេសរបស់ឈ្មួញ ដែលមិនបានគ្របឲ្យជិយហើយមើលទៅបានបណ្តោយឲ្យអ្នករពិសដៃ រពិសភែកនិងរពិសមាត់ឃើញទើដឹងដល់អ្នកសារព័ត៌មានហើយធ្វើជាចាប់តែម្តងទៅ ។
ប្រភពពីអ្នកចេញចូលផ្សាររុងក្លៃស្រុកអារញ្ញទឹកដីថៃខ្សឹបដាក់ត្រចៀកថា រាល់ថ្ងៃសាច់មាន់ប្រហិតនិងពោះជ្រូកឆ្លងកាត់តាមច្រកទ្វារអន្តរជាតិប៉ោយប៉ែតជារាល់ថ្ងៃច្រើនណាស់ហើយថាការវេចខ្ចប់ដឹកចេញមានគ្រប់រូបភាពខណៈមន្ត្រីជំនាញមិនដែលខ្វល់និងពិនិត្យមើលរទេះដឹកទំនិញចូលពីថៃផងនោះ ។ មន្ត្រីកាំកុងត្រូលច្រកទ្វារអន្តរជាតិប៉ោយប៉ែតហាក់ស្ងាត់ស្ងៀម សង្ស័យឲ្យកូនចៅរាប់តែចំនួនជើងរទេះគិតតែប្រាក់ទេមើលទៅ។
ប្រធានសាខាកាំកុងត្រូលខេត្តបន្ទាយមានជ័យ លោក សាន វិជ្ជាសារ៉ាវុធ ធ្លាប់ប្រាប់ក្រុមអ្នកព័ត៌មានថា រដ្ឋមន្ត្រីក្រសួងកសិកម្មមិនបានហាមឃាត់ពីការនាំចូលសាច់សត្វពីប្រទេសជិតខាងទេ ពោលគឺមានទាំងច្បាប់អនុញ្ញាត ឲ្យដឹកថែមទៀត ដោយសារម្ហូបអាហារលើទីផ្សារផ្គត់ផ្គង់មិនគ្រប់គ្រាន់តាមតម្រូវការ ។ លោកថា លើកលែងតែសាច់ទាំងនោះមិនបានវេចខ្ចប់ត្រឹមត្រូវ ឬគ្មានការក្លាស្សេទឹកកកតាមស្តង់ដា បើឃើញគឺចាប់ហើយ ។ សង្ស័យសំអាងលើហេតុផលនេះហើយ បានជាមន្ត្រីសាខាកាំកុងត្រូលខេត្តបន្ទាយមានជ័យទាំងមេទាំងកូនពិសេសនៅច្រកទ្វារអន្តរជាតិប៉ោយប៉ែតជិៈសេះលែងដៃ ។
ជុំវិញករណីខាងលើនេះ លោក សាន វិជ្ជាសារ៉ាវុធ អង្គភាពយើងមិនអាចទាក់ទងសុំការបំភ្លឹបានទេ ព្រោះមិនស្គាល់លេខទូរស័ព្ទ ។ យ៉ាងណា អង្គភាពយើងខ្ញុំរីករាយនិងរង់ចាំការប្រតិកម្មតបជានិច្ច ប្រសិនបើមានការបកស្រាយ ៕ ម៉េង ហ៊ី ប៉ោយប៉ែត