តាមម្ចាស់អាខោនហ្វេសបុកមួយបានរៀបរាប់ថា ៖ ខេត្តសៀមរាប៖ មជ្ឈដ្ឋាន ពលរដ្ឋក្នុងខេត្តសៀមរាបបានរិះគន់យ៉ាងខ្លាំង ចំពោះអង្គភាពពន្លត់ អគ្គីភ័យ នៅពេលមាន អគ្គីភ័យកើតឡើង តែងតែមានការយឺតយ៉ាវ (ផ្លូវពីបាកចេញចូល) ដូច្នេះ ពលរដ្ឋមានការព្រួយបារម្ភនៅពេលមានអគ្គីភ័យកើតឡើងម្តង នាំឲ្យខូចខាតទ្រព្យសម្បត្តិផ្សេងៗ បើចៃដន្យ បើមានភ្លើងឆេះអីវិន … តើអោយរថយន្តទាំងអស់នេះ លូនកាត់ភក់យ៉ាងម៉េច ទៅជួយសង្គ្រោះ ប្រជាពលរដ្ឋទាន់ទាន់ពេលវេលាទៅ ???
ប្រជាពលរដ្ឋមើលឃើញថា សព្វថ្ងៃរថយន្តពន្លត់អគ្គិភ័យរបស់ស្នងការដ្ឋាននគរបាលខេត្តសៀមរាប ប្រៀបដូចជាកូន អត់មានឪពុក ម្តាយ មើលថែទាំ គ្មានទីតាំងចំណតខ្លួនឯង ដើរសុំដីគេឯង ចត ទុកហាលថ្ងៃ ហាលភ្លៀង ដោយចាត់ទុកជាសម្ភារៈ របស់រដ្ឋដែលគ្មានតំលៃ សោះឡើយ ដែលមិនបានយកចិត្តទុកដាក់ក្នុងបញ្ហានេះ ។
តាមមន្ត្រីប៉ូលីសនៃស្នងការនគរបាលខេត្តបានទទួលស្គាល់ថា កន្លងមក រថយន្តពន្លត់អគ្គិភ័យពិតជាគ្មានទីកន្លែងខ្លួនឯងមែន កន្លងមក ត្រូវបានសុំទីតាំងចត នៅក្នុងបរិវេណ មន្ទីរទេសចរណ៍ចាស់ បន្ទាប់មកក្រោយបោះឆ្នោតរួចហើយ ត្រូវផ្លាស់ប្តូរ ទៅសុំទីតាំងថ្មី ស្ថិតនៅភូមិសាលាកន្សែង សង្កាត់ ស្វាយដង្គំ ក្រុងសៀមរាប តែទីតាំងចំណតនេះ អត់សាកសម ទៅលើឈ្មោះ ជាអ្នកបង្ការ ពន្លត់អគ្គិភ័យ និងសង្គ្រោះ ឡើយ ។
សូមបញ្ជាក់ផងដែរថា រថយន្តពន្លត់អគ្គិភ័យរបស់ស្នងការនគរបាលខេត្ត មានចំនូន ០៩ គ្រឿង តែប្រើបាន តែ ០៧ គ្រឿងប៉ុណ្ណោះ ២ គ្រឿងទៀតខូច ដោយឡែក ០៥ គ្រឿង ដែលទើបតែទទួលបាន ពីក្រសួងមហាផ្ទៃ កាលពីពេលថ្មីៗកន្លងទៅនេះ បានបែងចែកទៅតាមបណ្តាស្រុកផងដែរ ៕
