នៅថ្ងៃទី១៤ខែមេសាឆ្នាំ 2019នៅវេលាម៉ោងប្រហែល 2 និង 00 នាទីយប់មានករណីភ្លើងឆេះផ្ទះមួយខ្នងស្ថិតនៅចំណុចភូមិ ត្បែងឃុំចំរើនស្រុកសង្គមថ្មីបណ្តាលឲ្យម្ចាស់ផ្ទះរងគ្រោះឆេះរលាកពេញខ្លួនដោយការគេចខ្លួនមិនទាន់។។ នគរបាលមូលដ្ធានបានឱ្យដឹងថាម្ចាស់ផ្ទះឈ្មោះសេក ទ្រី ភេទប្រុសអាយុ 48ឆ្នាំរស់នៅភូមិត្បែង ឃុំចំរើន ស្រុកសង្គមថ្មី មានមុខរបរជាងកាត់ដេរ។
ផ្ទះដែលជួបគ្រោះអគ្គីភ័យនោះ ត្រូវភ្លើងឆេះបំផ្លាញផ្ទះអស់ទាំងស្រុងដោយមិនជួយសង្គ្រោះបាននោះឡើយ។
ក្រោយពីទទួលបានព័ត៌មានភ្លាមលោកអធិការនគរបាលស្រុកសង្គមថ្មីបានបញ្ជូនឡានពន្លត់អគ្គីភ័យទៅជួយបាញ់ទឹកពន្លត់ដើម្បីកុំឲ្យឆេះរាលដាលដល់ផ្ទះអ្នកជិតខាងដោយប្រើប្រាស់ទឹកអស់ចំនួនមួយឡាន ហើយកិច្ចប្រតិបត្តិការនេះដឹកនាំបព្ជាាដោយលោកឧត្ដមសេនីយ៍ទោសួស សុខដារ៉ាស្នងការនគរបាលខេត្តព្រះវិហារតែម្តង។
សមត្ថកិច្ចនគរបាលបន្តថាហេតុការណ៍ខាងលើនេះឆេះរោល ម្ចាស់ផ្ទះដែលរងរបួសធ្ងន់ត្រូវសមត្ថកិច្ចជួយសង្គ្រោះបញ្ជូនជនរងគ្រោះទៅកាន់មន្ទីរពេទ្យបង្អែកខេត្តព្រះវិហារដោយផ្ទាល់។
តាមការស្រាវជ្រាវស្វែងរកការពិតទើបដឹងមូលហេតុបណ្តាលមកពីការឆ្លងលងចរន្តអគ្គិសនីទើបបង្កឲ្យមានជាគ្រោះអគ្គីភ័យឆាបឆេះផ្ទះប្រជាពលរដ្ឋនេះតែម្តងទៅ៕