ការិយាល័យ​និពន្ធ 012924144 / 017655433 | Email:phoungsreylen@gmail.com / Website:www.snp-news.com
របាយការណ៍​ស្ដីពី​គ្រោះថ្នាក់​ចរាចរណ៍​ទូទាំង​ប្រទេស​ប្រចាំ ថ្ងៃទី​០៥ ខែ​មករា ឆ្នាំ​២០១៧ ៖ ​យោង​តាម​ទិន្ន័យ​ដែល​ទទួលបាន​ពី​នាយកដ្ឋាន​ចរាចរណ៍ និង​សណ្ដាប់ធ្នាប់​សាធារណៈ នៃ​អគ្គស្នងការដ្ឋាន​នគរ​បាល​ជាតិ​នៅ​ថ្ងៃនេះ មាន​គ្រោះថ្នាក់​ចរាចរណ៍​កើតឡើង​ចំនួន​១០​លើក ក្នុង​នោះ​បណ្ដាលឲ្យ​មនុស្ស​ស្លាប់​ចំនួន​១០​នាក់​ស្រី​០១ របួសធ្ងន់​ចំនួន​០៨​នាក់​ស្រី​០១ ដែល​បង្កឡើង​ដោយ​ម៉ូតូ​ចំនួន​០៥​លើក រថយន្ត​តូច​ចំនួន​០២​លើក រថយន្ត​ធំ​ចំនួន​០៣​លើក ហើយ​បណ្ដាលឲ្យ​ខូចខាត​ទ្រព្យសម្បត្តិ​អស់​ម៉ូតូ​ចំនួន​១០​គ្រឿង រថយន្ត​តូច​ចំនួន​០២​គ្រឿង រថយន្ត​ធំ​ចំនួន​០២​គ្រឿង និង​គោយន្ត​ចំនួន​០១​គ្រឿង​៕​
ព័ត៌មាន​ថ្មី
​បទល្មើស​នេសាទ​ដាក់រ​បាំង​កាត់​ព្រែក​នៅ​ចំណុច​ព្រែល​ឆ្ដោរ​នា​រដូវ​បិទ​សាទ​គ្មាន​សមត្ថកិច្ច​បង្ក្រាប លោក​នួន វុឌ្ឍីនាយ​សង្កាត់​ជលផល​ជលគី​រីថា​ចាំមាន​ពេលទំនេរ​ចាំ​ចុះ​ទៅ​មើល​? - ​កោះហៅ​អនុ​រដ្ឋលេខា​ទៅ​បំភ្លឺ​នៅ​តុលាការ​មណ្ឌល​គី​រី​រឿង​ឲ្យ​ដី​ក្រុមហ៊ុន ផេស៊ី​ហ្វិក​ហ្គេន​យ៉ញ​-​ស្តុក​ខម​ភេ​នី​លី​មី​ធី​ត​ខុសច្បាប់​? - លោក​ឈាង​វុន​បដិសេធ​សំណើរ​ផ្តល់​សញ្ជាតិ​ស្វយ័ប្រវត្តិដល់​ជន​ជា​តិ​វៀតណាម​ដែល​រស់នៅ​ក្នុង​ស្រុក​ខ្មែរ​! - ​បន្ទាប់​ពី​យុវជន​អាយុ​២០​ឆ្នាំ​មាន​យុវនារី​ខ្មែរ​ម្នាក់​ទៀត​ចេះ​បើក​យន្តហោះ​ - ​សម្តេច​តេជោ​និង​កូនប្រ​សារ​ដាក់ពាក្យ​ប្តឹង​លោក​សម​រង្ស៊ី​រឿង​ខ្មោច​លោក​ហុក​ឡងឌី​នៅ​តុលាការ​ស្រុក​បារាំង​! - បែកធ្លាយ​រឿងអាស្រូវ​ពុករលួយ របស់​មន្ទីរ​សង្គមកិច្ច​ខេត្ត ព្រះសីហនុ សូកលុយ​ចំនួន​៤​ម៉ឺន​ដុល្លារ​អាមេរិក ដល់​លោក នាយក​អង្គការ AOG បិទមាត់​កុំអោយ​និយាយ​រឿង កាត់ ដី​សាលា​Hope លក់​អោយ​ឯកជន ? - ​តុលាការ​ចោទប្រកាន់​រួច​នគរបាល​បណ្តោយ​ឲ្យ​ចោរ​រត់បាត់​!? - ​លោក​ហុង​បូ​ហេង អធិការ​ស្រុក​វ៉ារិន​រង​ចោទថា ជំរិត​ទារប្រាក់​ពី​អ្នក​គ្មាន​កំហុស ១៦០០​ដុល្លារ​អាមេរិក​ថ្នូ​នឹង​ការដោះលែង​! - ​សហភាព​អឺរ៉ុប​ប្រកាស​បន្ត​កិច្ចសហការ​ជិតស្និទ្ធ​ជាមួយ​រាជរដ្ឋាភិបាល​កម្ពុជា​ - ថ្ងៃទី​១​មាន​បេក្ខជន​បាក់​ឌុប​២​នាក់​តម្រូវ​ឲ្យ​ធ្លាក់​ក្នុង​ពេល​អ្នក​មាន​បញ្ហា​សុខភាព​៤៣​នាក់​តែ​ប្រឡង​បាន​

​បើ​គ្មាន EBA ពី​សហគមន៍​អឺរ៉ុប​កម្ពុជា អាច​បាត់​ចំណូល​ពី​ការនាំចេញ ជាង​៦៥០ លាន​ដុល្លារ​អាមេរិក​ក្នុង​១​ឆ្នាំ​!

ភ្នំពេញ ៖ ធនាគារ​ពិភពលោក​នៅ​ថ្ងៃទី ៦ ឧសភា បាន​ចេញ​របាយការណ៍​ថ្មី​ចុងក្រោយ​របស់​ខ្លួន ដោយ​វាយតម្លៃថា កម្ពុជា អាច​នឹង​ធ្លាក់​ចុះ​ចំណូល​ពី​ការនាំចេញ​ប្រហែល​ជាង ៦០០ លាន​ដុល្លារ​អាមេរិក ប្រសិនបើ​សហភាព​អឺរ៉ុប សម្រេច​ព្យួរ​ប្រព័ន្ធ​អនុគ្រោះ​ពន្ធ EBA ពី​កម្ពុជា​។

​ការ​ចេញ​របាយការណ៍​នេះ​កើតឡើង​ក្រោយ​ពី​ប្រទេស​ចិន​បាន​ធានា​ថា​គេ​នឹង​ជួយ​កម្ពុជា​សព្វ​យ៉ាង​!​។​

​យោងតាម​របាយការណ៍​របស់​ធនាគារ​ពិភពលោក បានឲ្យដឹងថា ទំនិញ​ដែល​កម្ពុជា​នាំចេញ​ទៅ​ប្រទេស​អឺរ៉ុប ក្នុង​ឆ្នាំ ២០១៨ មាន​តម្លៃ​សរុប​ប្រមាណ ជាង ៤.៦០០ លាន​ដុល្លារ​អាមេរិក ដែល​ក្នុងនោះ គឺមាន ៨០ ភាគរយ គឺជា​សម្លៀកបំពាក់ បន្ទាប់មក គឺ​ផលិតផល​ស្បែកជើង កង់ និង​អង្ករ​។​

​ប្រសិនបើ​មាន​ការដក​EBA សហភាព​អឺរ៉ុប អាច​នឹង​ចាប់ផ្ដើម​អនុវត្ត​ដកហូត​ពន្ធគយ​លើ​ទំនិញ​សម្លៀកបំពាក់ ក្នុង​អត្រា ១២% ខណៈ​ផលិតផល​ស្បែកជើង​ដកហូត​ពន្ធគយ ១៦% និង​កង់ ១០%​។​

​សូមបញ្ជាក់​ថា អង្ករ​វិញ​ទំនិញ ត្រូវបាន​អឺរ៉ុប​ចាប់​យក​ពន្ធគយ​តាំងពី​ដើម​ឆ្នាំ ២០១៩​មក​ម្លេះ​។ ធនាគារពិភពលោក បាន​កត់សម្គាល់​ទៀត​ថា នៅ​ឆ្នាំ​២០១៨ កន្លងទៅ កម្ពុជា​បាន​នាំ​ផលិតផល​សម្លៀក​ទៅ​អឺរ៉ុប មាន​ជាង ៣​ពាន់ ៦០០ លាន​ដុល្លារ​អាមេរិក ស្បែកជើង​មាន​ប្រមាណ ៥០០ លាន​ដុល្លារ អង្ករ​មាន​ជាង ១៧៧ លាន​ដុល្លារ និង​កង់​មាន​ជាង ៣៣១ លាន​ដុល្លារ​អាមេរិក​។​

​បើ​តាម​ការប៉ាន់ស្មាន របស់​ធនាគារ​ពិភពលោក ប្រសិនបើ​អឺរ៉ុប អនុវត្ត​ដក​ហូតពន្ធ​លើ​ទំនិញ​សម្លៀក​បំពាក់ ស្បែកជើង បូក​រួម​ទាំង​ការយកពន្ធ​អង្ករ​កាលពី​ពេល​ថ្មីៗ​នេះ​ទៀតសោត នោះ​កម្ពុជា អាច​នឹង​ធ្លាក់​ចុះ​ចំណូល​ពី​ការនាំចេញ​ក្នុង​ទំហំ​ទឹកប្រាក់​ប្រមាណ ៦៥៤ ដុល្លារ​អាមេរិក ដែល​នេះ មិនទាន់​រាប់​បញ្ជូល​ការដកហូតព​ន្ធ​ការ​នាំចូ​លកង់​នៅ​ឡើយ​។ បើ​យើង​រាប់​ទាំង​ផលិតផល​កង់​ទៀត នោះ​ការធ្លាក់ចុះ​នេះ អាច​នឹង​មាន​ច្រើន​ជាង​នេះ​ទៀត​។​

​យោង​តាម​តួលេខ​ផ្លូវការ ឆ្នាំ​២០១៨ កង់​ចំនួន ១,៤​លាន​គ្រឿង ត្រូវបាន​នាំ​ចេញ​ពី​តំបន់​សេដ្ឋកិច្ច​ពិសេស​នានា​នៅក្នុង​ប្រទេស​កម្ពុជា ក្នុងនោះ ៨៨% គឺ​នាំ​ចេញ​ទៅ​កាន់​អឺរ៉ុប​។​

​លោក លី សូ​ដេត សេដ្ឋវិទូ​ជាន់ខ្ពស់ នៃ​ធនាគារ​ពិភពលោក​ប្រចាំ​កម្ពុជា​បាន​លើកឡើង​ថា ការបាត់បង់​ចំណូល​ជាង ៦០០ លាន​ដុល្លារ​អាមេរិក បើ​EBA ពិតជា​ត្រូវបាន​ដក​នេះ គឺ​យើ់ង​មិនទាន់​ដឹង​នៅឡើយ​ទេ ថា​ក្រុមហ៊ុន​រកស៊ី​នៅក្នុង​វិស័យ​នេះ នឹង​ទម្លាក់​ការខាតបង់​នោះ ទៅ​អ្នកទិញ ឬ​យ៉ាងណា ប៉ុន្ដែ បើ​ក្រុមហ៊ុន​ធ្វើបែបនេះ លោក​ថា ផលិតផល​នាំចេញ​ទៅ នឹង​មាន​តម្លៃ​កាន់តែ​ខ្ពស់ ដែល​វា​នឹង​ប៉ះពាល់​ដល់​បរិមាណ​នាំចេញ​។​

​យ៉ាងណាក៏ដោយ ប្រសិនបើ​សហភាព​អឺរ៉ុប ពិតជា​ព្យួរ​មែន EBA ពី​កម្ពុជា​ក៏ដោយ ប៉ុន្ដែ កម្ពុជា​អាច​មាន​ផ្លូវ​ក្នុង​ការ​សម្រាល​ផល​ប៉ះទង្គិច​ពី​ការព្យួរ​ប្រព័ន្ធ​អនុគ្រោះ​ពន្ធ EBA បាន​ដោយ​ត្រូវ​កាត់បន្ថយ​ថ្លៃ​ចំណាយ​លើ​ផលិតកម្ម និង​លើ​បែបបទ​សម្រាប់​ការនាំ​ចេញ​នានា​មានន័យ​ថា​ធ្វើឲ្យ​ថ្លៃដើ​មថោក​ដើម្បី​មាន​លទ្ធភាព​ប្រកួត​ប្រជែង​។ រាជរដ្ឋាភិបាល​កម្ពុជា នា​ពេល​ថ្មីៗ​នេះ ក៏​បាន​ធ្វើ​កំណែទម្រង់​ជាច្រើន​ណាស់​ដែរ សំដៅ ដល់​ការកាត់បន្ថយ​ចំណាយ​របស់​វិស័យ​ឯកជន ដូចជា​ការដក​កាំកុងត្រូល​ចេញពី​មាត់​ច្រក​ព្រំដែន រំលាយ​អង្គភាព​កាំសាប និង​សម្រួល​ដល់​សេវា​ដឹកជញ្ជូន​ក៏​ដូចជា​សេវា​នាំចេញ​ជា​ច្រើន​ទៀត​។​

​ថ្លែង​ក្នុង​វេទិកា​រាជរដ្ឋាភិបាល វិស័យ​ឯកជន លើក​ទី ១៨ កាលពី​ចុង​ខែ​មីនា ឆ្នាំ​២០១៩ នេះ​សម្ដេច តេ​ជោ ហ៊ុន សែន​នាយករដ្ឋមន្ត្រី ថា សម្រាប់​ការធ្វើ​កំណែទម្រង់​ជំហាន​ដំបូង​នេះ វិស័យ​ឯកជន នឹង​ចំណេញ​ប្រមាណ ៤០០ លាន​ដុល្លារ​អាមេរិក​ឯណោះ​។​

​នៅក្នុង​វេទិកា ខ្សែក្រវាត់ និង​ផ្លូវ លើក​ទី​២ នៅ​ប្រទេស​ចិន កាលពី​ថ្ងៃ​ទី​២៧​មេសា​ឆ្នាំ​២០១៩ មហាមិត្ត​ដែកថែប ចិន បានប្រកាស​ជំហរ​របស់​ខ្លួន​ជូន​ប្រមុខ​រាជរដ្ឋាភិបាល​កម្ពុជា​ថា ភាគី​ចិន បាន​សិក្សា​ពី​ផលប៉ះពាល់​នៃ​ការដក EBA របស់​សហភាព​អឺរ៉ុប​ពី​ប្រទេស​កម្ពុជា​ហើយ តែ​រក​មិនឃើញ​មានការ​ប៉ះពាល់​ធ្ងន់ធ្ងរ​ទេ ហើយ​ចិន​នឹង​រិះរក​វិធី​ផ្សេងៗ​ជួយ​ដល់​កម្ពុជា​ពី​ការបាត់បង់​ផលប្រយោជន៍​ធំ​នេះ​។​

​ទាក់ទង​នឹង​បច្ចុប្បន្នភាព​នៃ​ដំណើរការ​ព្យូរ​ប្រព័ន្ធ​អនុគ្រោះ​ពន្ធ EBA ពី​សហគម​អឺរ៉ុប​វិញ លោក​ឧកញ៉ា វ៉ាន់ ស៊ូ​អៀង ប្រធាន​សមាគម​រោងចក្រ​កាត់ដេរ​កម្ពុជា បាន​គូសបញ្ជាក់ថា ពិតណាស់ វា​នៅតែ​ជា​បញ្ហា​ប្រឈម និង​ជា​ការគំរាមកំហែង​ធំ​មួយ​របស់​វិស័យ​កាត់ដេរ​នៅ​កម្ពុជា​។ លោក​ជឿ​ង​ជា​ក់ថា តាមរយៈ​កិច្ចសហការ​យ៉ាង​ជិតស្និទ្ធ​ជាមួយនឹង​អង្គការ ILO ជាង​២០ ឆ្នាំ​ក្នុង​ការអភិវឌ្ឍ​វិស័យ​កាត់ដេរ កម្ពុជា ជាមួយ​សិទ្ធិ​ការងារ និង​លក្ខខណ្ឌ​ការងារ​ល្អ នា​ពេលកន្លងមក ព្រម​ជាមួយនឹង ការកែប្រែ​ច្បាប់​សហជីព​ឲ្យ​កាន់តែ​ប្រសើរ​ឡើង ពី​សំណាក់​រាជរដ្ឋាភិបាល នា​ពេល​ថ្មីៗ​នេះ វា​នឹង​ធ្វើឲ្យ​សហភាព​អឺរ៉ុប​នឹង​ពិចារណា​ឡើងវិញ ពី​ការសម្រេច​ព្យូរ​ប្រព័ន្ធ​អនុគ្រោះ​ពន្ធ EBA​នេះ ជាក់​ជា​ពុំខាន​។​

​មន្ត្រីជាន់ខ្ពស់ រាជរដ្ឋាភិបាល​ធ្លាប់បាន​អះអាងថា កម្ពុជា​យើង​ត្រូវ​ដឹង​ខ្លួន​ឯង​ថា EBA​នេះ គឺ​មិន​អាច​ស្ថិត​នៅ​ជាមួយ​កម្ពុជា បាន​រហូត​នោះ​ទេ វា ព្រោះ​វា​មាន​សម្រាប់​តែ​ប្រទេស​ដែល​មាន​ការអភិវឌ្ឍ​តិចតួច​ប៉ុណ្ណោះ​។ យ៉ាងណាមិញ នៅពេលដែល កម្ពុជា​ឈាន​ជើង​ផុតពី​ឋានៈ​ប្រទេស​មាន​ការអភិវឌ្ឍ​តិចតួច​នេះ នោះ EBA គឺ​នឹង​ត្រូវ​បាត់បង់​ពី​កម្ពុជា​ដោយ​ស្វ័យប្រវត្តិ​។​

​បើ​តាម​ការបញ្ជាក់​របស់​ពី​អ្នកជំនាញ បានឲ្យដឹងថា លទ្ធផល​សម្រេច​ពី​សហភាព​អឺរ៉ុប ថា​ដក ឬ​មិន​ដក EBA គឺ​នឹង​ត្រូវ​សម្រេច​ចុងក្រោយ​នៅ​ខែ សីហា ឆ្នាំ​២០២០ ឯណោះ​តែ​វា​ក៏​អា​ស្រយ័​លើ​ឥរិយាបថ​រាជរដ្ឋាភិបា​ល​ផងដែរ​ទាក់ទង​និង​លក្ខ​ខណ្ឌ័​ដែល​គេ​ទាមទា​។ ដូច្នេះ កម្ពុជា​នៅ​មាន​ពេលវេលា​សមគួរ ក្នុង​ការត្រៀមខ្លួន ដើម្បី​ទប់ទល់​នឹង​ផលប៉ះពាល់​នានា ប្រសិនបើ EBA ពិតជា​ត្រូវបាន​ដក​មែន​៕

Filed in: ព័ត៌មានជាតិ

Recent Posts

Bookmark and Promote!

©២០១៣ រក្សាសិទ្ធ​ដោយ​សារព័ត៌មាន សម្លេងនិស្សិតបញ្ញវ័ន្ត | ទូរស័ព្ទ៖ 012924144 / 017655433 | ​ | អ៊ីម៉ែល៖ Email:phoungsreylen@gmail.com

សហការផ្តល់ព័ត៌មាន៖ 012924144 / 017655433 | អ៊ីម៉ែល៖ Email:phoungsreylen@gmail.com