ការិយាល័យ​និពន្ធ 012924144 / 017655433 | Email:phoungsreylen@gmail.com / Website:www.snp-news.com
របាយការណ៍​ស្ដីពី​គ្រោះថ្នាក់​ចរាចរណ៍​ទូទាំង​ប្រទេស​ប្រចាំ ថ្ងៃទី​០៥ ខែ​មករា ឆ្នាំ​២០១៧ ៖ ​យោង​តាម​ទិន្ន័យ​ដែល​ទទួលបាន​ពី​នាយកដ្ឋាន​ចរាចរណ៍ និង​សណ្ដាប់ធ្នាប់​សាធារណៈ នៃ​អគ្គស្នងការដ្ឋាន​នគរ​បាល​ជាតិ​នៅ​ថ្ងៃនេះ មាន​គ្រោះថ្នាក់​ចរាចរណ៍​កើតឡើង​ចំនួន​១០​លើក ក្នុង​នោះ​បណ្ដាលឲ្យ​មនុស្ស​ស្លាប់​ចំនួន​១០​នាក់​ស្រី​០១ របួសធ្ងន់​ចំនួន​០៨​នាក់​ស្រី​០១ ដែល​បង្កឡើង​ដោយ​ម៉ូតូ​ចំនួន​០៥​លើក រថយន្ត​តូច​ចំនួន​០២​លើក រថយន្ត​ធំ​ចំនួន​០៣​លើក ហើយ​បណ្ដាលឲ្យ​ខូចខាត​ទ្រព្យសម្បត្តិ​អស់​ម៉ូតូ​ចំនួន​១០​គ្រឿង រថយន្ត​តូច​ចំនួន​០២​គ្រឿង រថយន្ត​ធំ​ចំនួន​០២​គ្រឿង និង​គោយន្ត​ចំនួន​០១​គ្រឿង​៕​
ព័ត៌មាន​ថ្មី
​បទល្មើស​នេសាទ​ដាក់រ​បាំង​កាត់​ព្រែក​នៅ​ចំណុច​ព្រែល​ឆ្ដោរ​នា​រដូវ​បិទ​សាទ​គ្មាន​សមត្ថកិច្ច​បង្ក្រាប លោក​នួន វុឌ្ឍីនាយ​សង្កាត់​ជលផល​ជលគី​រីថា​ចាំមាន​ពេលទំនេរ​ចាំ​ចុះ​ទៅ​មើល​? - ​កោះហៅ​អនុ​រដ្ឋលេខា​ទៅ​បំភ្លឺ​នៅ​តុលាការ​មណ្ឌល​គី​រី​រឿង​ឲ្យ​ដី​ក្រុមហ៊ុន ផេស៊ី​ហ្វិក​ហ្គេន​យ៉ញ​-​ស្តុក​ខម​ភេ​នី​លី​មី​ធី​ត​ខុសច្បាប់​? - លោក​ឈាង​វុន​បដិសេធ​សំណើរ​ផ្តល់​សញ្ជាតិ​ស្វយ័ប្រវត្តិដល់​ជន​ជា​តិ​វៀតណាម​ដែល​រស់នៅ​ក្នុង​ស្រុក​ខ្មែរ​! - ​បន្ទាប់​ពី​យុវជន​អាយុ​២០​ឆ្នាំ​មាន​យុវនារី​ខ្មែរ​ម្នាក់​ទៀត​ចេះ​បើក​យន្តហោះ​ - ​សម្តេច​តេជោ​និង​កូនប្រ​សារ​ដាក់ពាក្យ​ប្តឹង​លោក​សម​រង្ស៊ី​រឿង​ខ្មោច​លោក​ហុក​ឡងឌី​នៅ​តុលាការ​ស្រុក​បារាំង​! - បែកធ្លាយ​រឿងអាស្រូវ​ពុករលួយ របស់​មន្ទីរ​សង្គមកិច្ច​ខេត្ត ព្រះសីហនុ សូកលុយ​ចំនួន​៤​ម៉ឺន​ដុល្លារ​អាមេរិក ដល់​លោក នាយក​អង្គការ AOG បិទមាត់​កុំអោយ​និយាយ​រឿង កាត់ ដី​សាលា​Hope លក់​អោយ​ឯកជន ? - ​តុលាការ​ចោទប្រកាន់​រួច​នគរបាល​បណ្តោយ​ឲ្យ​ចោរ​រត់បាត់​!? - ​លោក​ហុង​បូ​ហេង អធិការ​ស្រុក​វ៉ារិន​រង​ចោទថា ជំរិត​ទារប្រាក់​ពី​អ្នក​គ្មាន​កំហុស ១៦០០​ដុល្លារ​អាមេរិក​ថ្នូ​នឹង​ការដោះលែង​! - ​សហភាព​អឺរ៉ុប​ប្រកាស​បន្ត​កិច្ចសហការ​ជិតស្និទ្ធ​ជាមួយ​រាជរដ្ឋាភិបាល​កម្ពុជា​ - ថ្ងៃទី​១​មាន​បេក្ខជន​បាក់​ឌុប​២​នាក់​តម្រូវ​ឲ្យ​ធ្លាក់​ក្នុង​ពេល​អ្នក​មាន​បញ្ហា​សុខភាព​៤៣​នាក់​តែ​ប្រឡង​បាន​

មហាជន​រិះគន់​ការលួចបើក​កិច្ចប្រជំ​របស់ រដ្ឋបាល​ស្រុក​កំពង់លែង ជាមួយ​ក្រុម​ត្រាក់ទ័រ​សុំ​ធ្វើ​អាជីវកម្ម​មិន​ឲ្យ​ប្រជាជន​និង​បណ្ដាញ​ផ្សព្វផ្សាយ​ដឹង​

(​កំពង់ឆ្នាំង​)៖ កាលពី​រសៀល​ថ្ងៃ​ចន្ទ ៣​កើត ខែ​ពិសាខ ឆ្នាំ​កុរ ឯ​កស័ក ព​.​ស​២៥៦២ ត្រូវ​នឹង​ថ្ងៃទី​៦ ខែ​ឧសភា ឆ្នាំ​២០១៩ នៅ​សាលប្រជុំ​សាលាស្រុក​កំពង់​លែង មាន​បើក​កិច្ចប្រជុំ​មួយ​ដើម្បី​ត្រួតពិនិត្យ ពិភាក្សា​លើ​ជុំវិញ​បញ្ហា​ក្រុម​ត្រាក់ទ័រ​សុំ​ច្បាប់​ធ្វើការ​ឈូសឆាយ ពង្រា​ប ដីស្រែប្រាំង ក្រោម​អធិបតីភាព លោក អៀង វុ​ធ អភិបាលរង​ខេត្ត​កំពង់ឆ្នាំង លោក សំ ចាន់ថន អភិបាលស្រុក​កំពង់​លែង លោកនាយ​ខណ្ឌ​ជលផល តំណាង​មន្ទីរ​កសិកម្ម រុក្ខ​ប្រមាញ់ និង​នេសាទ​ខេត្ត​។​

​កិច្ចប្រជុំ​ឮថា​មាន​ការចូលរួម​ពី​កងកម្លាំងប្រដាប់អាវុធ​និង លោក លោកស្រី​ជា​ម្ចាស់​ត្រាត់ទ័រ មេការ​អា​ត្រាក់ តំណាង​សហគមន៍​ក្នុងស្រុក ចូលរួម​សរុប ៨៣ នាក់ ក្នុង​នោះ​ម្ចាស់​ត្រាក់ទ័រ ៦៣ ផងដែរ​។​

​ប្រភព​ល​លួច​ឲ្យដឹងថា​លោក សំ ចាន់ថន អភិបាលស្រុក​កំពង់​លែង បាន​សំដែង​ការគួរសម និង​ធ្វើ​របាយ​ការណ៏ សង្ខេប​ជូន​អង្គពិធី​ដោយ​បញ្ជាក់ថា​៖ ជា​ទូរលេខ​សង្ខេប​ក្នុងស្រុក​កំពង់លែង​បច្ចុប្បន្ន​នៅ​ទូទាំង​ស្រុក​មាន​ត្រាក់ទ័រ​សរុប​ចំនួន ១០៣ គ្រឿង ក្នុង​នោះ​ចំនួន​ត្រាក់ទ័រ​ជាក់ស្តែង មាន​
១-/​ឃុំ​ច្រណូក​ចំនួន ៤២​គ្រឿង​។​២-/ ឃុំ​ដារ ១៦ គ្រឿង ៣-/​ឃុំ​ពោធិ៍ ២៦ គ្រឿង ៤-/​ឃុំ ស្វាយ​រំពារ ០៥ គ្រឿង ។​៥-/​ឃុំ​កំពង់​ហៅ ០៥ គ្រឿង និង​
៥-/​ឃុំ​សំរោង​សែន​ចំនួន ០៣ គ្រឿង​។​

​ប៉ុន្តែ​ប្រជាពលរដ្ឋ​ថា​ស្ថិតិ​ចំនួន​ត្រាក់ទ័រ​ដែល​លោក​អភិបាលស្រុក​រាយ​ការជូន​អង្គប្រជុំ​ដែលមាន​១០៣​គ្រឿង​នោះ​គឺ​មិន​ត្រឹមត្រូវ​ទេ​។ តាម​ពិត​គ្រាន់តែ​នៅ​ចំណុច​ខាងក្រោម​ស្ដី​កោង​ក្នុងភូមិ​កោះ​ក្អែក ដូន​វាទ ក្នុង​ឃុំ​កំពង់​ហៅ​ក៏​មាន​ត្រាក់ទ័រ​មិន​ក្រោម​ជាង​២០​គ្រឿង និង​នៅ​តំបន់​បឹង​បង្គោ​កី និង​កោះ​ចាប​ក្នុង​ឃុំ​ពោធិ៍ ក៏​មាន​ត្រាក់ទ័រ​មិន​ក្រោម​ជាង​៣០​គ្រឿង​ដែល​កំពុង​ធ្វើ​សកម្មភាព​ឈូសឆាយ​ដី​ព្រៃ​លិច​ទឹក​ដែល​ជា​ជម្រក​ត្រី​ពង​កូន​ផងដែរ​។ នេះ​មិន​ទាន់​រាប់បញ្ចូល​ក្រុម​ត្រាក់ទ័រ​នៅ​ឃុំ​ប្រឡាយ​មាស និង​នៅ​តំបន់​ឡត​ខ្នង និង​ថ្នល់​ឈើទាល​ក្នុង​ឃុំ​ផ្លូវ​ទូក​ជាប់​ព្រំប្រទល់​ខេត្ត​កំពង់ឆ្នាំង​និង​ខេត្ត​កំពង់ធំ​ដែល​មាន​ត្រាក់ទ័រ​រាប់​សិប​គ្រឿង​កំពុង​ធ្វើ​សកម្មភាព​ឈូសឆាយ​ដី​ព្រៃ​លិច​ទឹក​ដែល​ជា​ជម្រក​ត្រី​ពង​កូន​នៅ​រដូវវស្សា​នោះ​ផង​។​

​លោក សំ ចាន់ថន ក៏​បាន​បកស្រាយ​ផងដែរ​ពី​ការយឺតយ៉ាវ​នៃ​ការ​ដាក់​ច្បាប់​សុំ​ការអនុញ្ញាត​ឈូសឆាយ ពង្រាបដី​ស្រែ​ចំការ​ដែល​ធ្លាប់​អាស្រ័យ​ផល​គឺ​ត្រូវមាន​ការចុះពិនិត្យ និង​ចុច​ជី​ភី​អែ​ស​ដោយ​ក្រុម​មន្ត្រី​ជំនាញ​ជលផល​ជាមុន​សិន​ទើប​ធ្វើកា​អនុញ្ញាត​អោយ​ធ្វើការ​ឈូសឆាយ​ទៅបាន​។​
​អង្គប្រជុំ​បាន​មាន​មតិ​យោបល់​និង ផ្សព្វផ្សាយ​ច្បាប់​ស្តីពី​ជលផល​ដល់​ក្រុម​ត្រាក់ទ័រ ឈួស ឆាយ ដឹព្រៃ​លិច​ទឹក និង​ដែន​ដី​ព្រៃ​លិច​ទឹក​ដោយ​លោកនាយខ័​ណ្ឌ​ជលផល ដែល​ជា​តំណាង​មន្ទីរ​កសិកម្ម រួចមក លោក អៀង វុ​ធ អភិបាលរង​ខេត្ត​កំពង់ឆ្នាំង ក៏​បាន​មានមតិ​បូក​សរុប​បកស្រាយ​នូវ​រាល់​ចម្ងល់​ពាក់ព័ន្ធ​នៃ​ការដាក់​ច្បាប់​ស្នើសុំ​ការអនុញ្ញាត​ឈួសឆាយ ពង្រាប​ដី ត្រូវ​ឱ្យមាន​ការចូលរួម​ទៅ​តាម​លំដាប់លំដោយ​មានៈ ម្ចាស់​ដី ម្ចាស់​អា​ត្រាក់ មេភូមិ ក្រុមការងារ​ថ្នាក់​ខេត្ត ស្រុក និង​ជំនាញ​ពាក់ព័ន្ធ​ផ្សេង​ទៀត​ផង​ដែរ​។​

​លោក​អភិបាលរង​ខេត្ត​ក៏​បាន​ផ្តាំផ្ញើ​ដល់​អ្នក​ដែល​បាន​ចូលរួម​ក្នុង​អង្គពិធី​ឲ្យមាន​ការចូលរួម​អោយខាងតែបាន​នូវ​ការ​ការពា​រទាំង​ដីព្រៃ​លិច​ទឹក ដែន​ដី​ព្រៃ​លិច​ទឹក ពិសេស​គឺ​ដី​ស្ថិតនៅ​តំបន់​បី តំបន់​ព្រៃ​ត្រី​ពង​កូន​ជា​ដើម ។​

​គួរ​រំលឹកថា​នៅ​ខេត្ត​កំពង់ធំ​កាលពី​ពេល​កន្លង​ទៅ​ថ្មីៗ​នេះ​ឯកឧត្តម​អង្គ វង្ស​វឌ្ឍនា​រដ្ឋមន្ត្រីក្រសួង​យុត្តិធ​ម៏បាន​ផ្អាក​តំណែង​លោក​ព្រះរាជអាជ្ញារងអ​ម​សាលាដំបូង​ខេត្ត​មួយរូប​ផង​ដែរ​ពាក់ព័ន្ធ​ទៅនឹង​ការផ្ដើមគំនិត​អោយមាន​ការឈូសឆាយដី​ព្រៃ​លិច​ទឹក​ដែល​ជា​ជម្រក​ត្រី​ពង​កូន​នេះឯង​។ ប៉ុន្តែ​នៅ​ឯ​ខេត្ត​កំពង់ឆ្នាំង​ឯណេះ​វិញ​គឺ​ស្ងាត់​ដូច​ចោរលួច​សេះ​។​

​ប្រជាពលរដ្ឋ​ក៏ដូចជា​មហាជន​ទូទៅ​បាន​មាន​ការងឿងឆ្ងល់​ថា តើ​ការអនុវត្ត​ច្បាប់​ស្ដីពី​ជលផល​ទៅលើ​ក្រុម​ត្រាក់ទ័រ​ឈូសឆាយ​ដី​ព្រៃ​លិច​ទឹក​នៅ​ខេត្ត​កំពង់ធំ និង​នៅ​ខេត្ត​កំពង់ឆ្នាំង​ខុសគ្នា​ត្រង់ណា​??? ហេតុអ្វី​បានជា​នៅ​ខេត្ត​កំពង់ឆ្នាំង​លោក​មន្ត្រី​ជំនាញ​ជលផល​និង​និង​អាជ្ញាធរ​បើកដៃ​អោយ​មាន​ក្រុម​ត្រាក់ទ័រ​ចូល​ឈូសឆាយ​ដី​ព្រៃ​លិច​ទឹក​យ៉ាង​អានាធិបតេយ្យ​ស្ទើរ​គ្រប់​កន្លែង​ហើយ​គ្មាន​ការបង្ក្រាប​ពី​មន្ត្រី​ជំនាញ​ឬ​អាជ្ញា​ពាក់ព័ន្ធ​ឡើយ ឬ​មួយ​ពួក​មន្ត្រី​ខាងលើ​ក្លាយ​ជា​មន្ត្រី​គ្រាប់​ល្ពៅ​ដាំ​មិន​ដុះ​លួច​ឃុបឃិត​ប្រព្រឹត​អំពើពុរលួយ​ទទួល​សំណូក​ពីក្រុម​ឈ្មួញអ​ស់​ហើយ​បានជា​មិន​ឃើញ​មាន​វិធានការ​ទប់ស្កាត់​និង​មិន​គោរព​តាម​អភិក្រម​ទី​៥​របស់​សម្ដេច​តេជោ​ហ៊ុន សែន​បែប​នេះ​។​

​ល្មម​ឯកឧត្តម​ឱម យិនទៀង​ប្រធាន​អង្គភាព​ប្រឆាំង​អំពើពុករលួយ​បញ្ជូន​ក្រុមអធិការកិច្ច ចុះ​ពិនិត្យ​ករណី​មន្ត្រី​ជំនាញ​ជលផល​និង​អាជ្ញាធរ​លួច​បើកដៃ​អោយ​ក្រុម​ឈ្មួញ​យក​ត្រាក់ទ័រ​ចូល​ឈូ​ឆាយ​ដីព្រៃ​លិច​ទឹក​នៅ​ខេត្ត​កំពង់ឆ្នាំង​ផង​ទាន​ព្រោះ​សព្វ​ថ្ងៃ​គេ​កំពង់រ​ត់​ច្បាប់សុំ​ដាក់​គ្រឿងចក្រ​ឈូសឆាយ​ក្រោមលេស​កែប្រែ​ដីចំការ​មកជា​ដីស្រែប្រាំង​វិញ ប៉ុន្តែ​ធាតុពិត​គឺ​គេ​ឈូស​ទន្ទ្រាន​ដី​ព្រៃ​យក​ធ្វើ​កម្មសឹទ្ធិ​តែ​ម្ដង​ផង​ទាន​៕

Filed in: ព័ត៌មានជាតិ

Recent Posts

Bookmark and Promote!

©២០១៣ រក្សាសិទ្ធ​ដោយ​សារព័ត៌មាន សម្លេងនិស្សិតបញ្ញវ័ន្ត | ទូរស័ព្ទ៖ 012924144 / 017655433 | ​ | អ៊ីម៉ែល៖ Email:phoungsreylen@gmail.com

សហការផ្តល់ព័ត៌មាន៖ 012924144 / 017655433 | អ៊ីម៉ែល៖ Email:phoungsreylen@gmail.com