ការិយាល័យ​និពន្ធ 012924144 / 017655433 | Email:phoungsreylen@gmail.com / Website:www.snp-news.com
របាយការណ៍​ស្ដីពី​គ្រោះថ្នាក់​ចរាចរណ៍​ទូទាំង​ប្រទេស​ប្រចាំ ថ្ងៃទី​០៥ ខែ​មករា ឆ្នាំ​២០១៧ ៖ ​យោង​តាម​ទិន្ន័យ​ដែល​ទទួលបាន​ពី​នាយកដ្ឋាន​ចរាចរណ៍ និង​សណ្ដាប់ធ្នាប់​សាធារណៈ នៃ​អគ្គស្នងការដ្ឋាន​នគរ​បាល​ជាតិ​នៅ​ថ្ងៃនេះ មាន​គ្រោះថ្នាក់​ចរាចរណ៍​កើតឡើង​ចំនួន​១០​លើក ក្នុង​នោះ​បណ្ដាលឲ្យ​មនុស្ស​ស្លាប់​ចំនួន​១០​នាក់​ស្រី​០១ របួសធ្ងន់​ចំនួន​០៨​នាក់​ស្រី​០១ ដែល​បង្កឡើង​ដោយ​ម៉ូតូ​ចំនួន​០៥​លើក រថយន្ត​តូច​ចំនួន​០២​លើក រថយន្ត​ធំ​ចំនួន​០៣​លើក ហើយ​បណ្ដាលឲ្យ​ខូចខាត​ទ្រព្យសម្បត្តិ​អស់​ម៉ូតូ​ចំនួន​១០​គ្រឿង រថយន្ត​តូច​ចំនួន​០២​គ្រឿង រថយន្ត​ធំ​ចំនួន​០២​គ្រឿង និង​គោយន្ត​ចំនួន​០១​គ្រឿង​៕​
ព័ត៌មាន​ថ្មី
​អភិបាល​រាជធានី ចុះ​ពិនិត្យ ពន្លឿន​ការដ្ឋាន​ស្តារ​ប្រឡាយ និង​ដាក់លូ​មេ ដើម្បី​រំដោះ​ទឹកភ្លៀង​នៅ​សង្កាត់​កា​កាប​ទី​១, ទី​២ ខណ្ឌ​ពោធិ៏​សែនជ័យ និង​សង្កាត់​គោក​ឃ្លាង ខណ្ឌ​សែន​សុខ​ - ​សង្ស័យ​ថា​គណៈបញ្ជាការ​ឯកភាព​ខេត្ត​រតនៈគិរី​បាន​ប្រយោជន៍​ពី​សកម្មភាព​ដឹកជញ្ជូន​ឈើ​របស់​ឈ្មួញ​ហូ​ជី​វ៉ៃ​ណុប​ណាក់​ស្រេង​ប្រណី​ចេញទៅ​ស្រុក​យួន​! - អ្នកនាង​ឌុ​ច​សោភា​ធ្លាក់​ចម្រស់​តែ​ជីវភាព​មិន​ដុនដាប​ទេ​! - អ្នកកាសែត ២ នាក់​ចូល​អន្ទាក់​មេ​បរិស្ថាន​ត្រូវ​នគរបាល​កំពង់ធំ​វ៉ៃខ្នោះ​តុលាការ​ចេញ​ដិកា​ដាក់គុក​រួច​ខ្លួន​អ្នក​សូក​!! - ប្រារព្ធ​ព្រះរាជ​ពិធី​បុណ្យ​ចម្រើន​ព្រះជន្ម សម្តេច​ព្រះមហាក្សត្រី​នរោត្តម​មុនិនាថ សីហនុ ព្រះវររាជ​មាតា​ជាតិខ្មែរ​គម្រប់​ព្រះ​ជន្មាយុ​៨៣ យាង​ចូល​៨៤​ព្រះវស្សា​ - មុខសញ្ញា​ជួញដូរ​ថ្នាំញៀន តាម​រថយន្ត​ធុន​ធំ​ត្រូវបាន​នគរបាល​ស្រុក​ស្ទឹង​ហាវ​បង្ក្រាប​ - កម្លាំងចម្រុះ​ចុះ​បង្ក្រាប​ទីតាំង​សិប្បកម្ម​កែច្នៃ​ឈើ ដ៍​ធំ​មួយ​កន្លែង​ចំ​កណ្ដាល​ក្រុង​ក្រចេះ​ - ​អភិបាលខេត្ត ចុះ​ពិនិត្យ​មើល​ការរៀបចំ​បន្ទប់រៀន​ប​ណ្តោះ អាសន្ន​នៅ​ឃុំ​ឆ្នុកទ្រូ ក្រោយ​ពី​អគារសិក្សា​៣​ខ្នង​ត្រូវ​ភ្លើង​ឆេះ​អស់​ទាំងស្រុង​ - ​ថៅកែ​ដី​ល្វែង​ត្រៀម​ប្តឹង​ថៅកែ​កា​រ៉ាស់រថ​យន្ត​៩៩៩​ក្រុង​ប៉ោយប៉ែ​ត​ករណី​ស​សេរ​សារ​គំរាម​! - ​លោក ស៊ុំ សុជាតិ ស្នងការ រង​នគរបាល​ខេត្ត​កំពង់ឆ្នាំង រង​ការ​ចោទ​ថា​កាប់​រុករាន​ទន្ទ្រាន​ឈូសឆាយ​និង​យក ដីព្រៃ​លិច​ទឹក​របស់​រដ្ឋ​

​តេ​ជោ​៖​ហូប​នំ​បញ្ចុក​សាម្គី​តែ​មិនមែនរ​កការចរចា​រ​ទេ​តែ​ឲ្យ​ហៅ​បក្សប្រឆាំង​មក​ហូប​ផង​!

​ភ្នំពេញ​​៖ ថ្ងៃអាទិត្យ​ទី​០៩ ខែមិថុនា ឆ្នាំ​២០១៩ គឺជា​ថ្ងៃ​ទទួលទាន​នំ​បញ្ចុក ទូទាំង​ប្រទេស​តាម​ផែនការ​នាយករដ្ឋមន្ត្រី​។​តែ​នៅ​ព្រឹក​ថ្ងៃ​ទី​០៦ ខែមិថុនា ឆ្នាំ​២០១៩​សម្តេច​តេជោ ហ៊ុន សែន នាយករដ្ឋមន្ត្រី​នៃ​កម្ពុជា បាន​បដិសេធថា​៖​គ្មាន​ទេ​ការចរចា​នយោបាយ​ណាមួយ ទោះបីជា​គណបក្ស​កាន់អំណាច និង​អតីត​គណបក្សប្រឆាំង បាន​ដាក់ចេញ​នូវ​យុទ្ធនាការ​បរិភោក​នំ​បញ្ចុក​ដូ ច​គ្នា ក៏ដោយ​។

​ថ្លែង​ក្នុង​ពិធី​ប្រគល់​សញ្ញាបត្រ​ដល់​និស្សិត​សាកលវិទ្យាល័យ​ពុទ្ធិ​សាស្ត្រ សម្តេច​តេជោ ហ៊ុន សែន បានបញ្ជាក់ ថា​៖ «​សុំ​កុំ​យក​បញ្ហា​ដែល​ខ្ញុំ​និយាយ​នេះ ធ្វើ​ជា​ការវិភាគ​អ្វី​ផ្សេង ក្រៅ​ពី​រឿង​ស៊ី​នំ​បញ្ចុក ព្រោះ​អ្នកខ្លះ​គិតថា វា​ជា​ជំហាន​ទៅ​ដល់​ការចរចា​នយោបាយ​ស្អីៗ សុំ​កុំ​ភាន់​ច្រឡំ ខ្ញុំ​និយាយ​តែ​រឿង​នំ​បញ្ចុក​សុទ្ធសាធ និង​សាមគ្គីភាព ឯកភាព​ជាតិ តាមរយៈ​ការ​ទទួលទាន​នំ​បញ្ចុក​ថ្ងៃ​៩​មិថុនា​នេះ​តែម្តង​»​។​

​សូម​រំលឹក​ថា​កាលពី​ថ្ងៃ​ទី​០៣ ខែមិថុនា ឆ្នាំ​២០១៩ បន្ទាប់ពី​សម្តេច​តេជោ ហ៊ុន សែន ប្រកាស​ឱ្យ​សមាជិក​គណបក្ស​ប្រជាជន​កម្ពុជា បើក​យុទ្ធនាការ​ហូប​នំ​បញ្ចុក​ទូទាំង​ប្រទេស លោក អេង ឆៃអ៊ាង បាន​បង្ហោះ​តាម​ហ្វេ​សប៊ុក​នូវ​អម​ថា​៖ «​ប្រសិនបើ លោក ហ៊ុន សែន និង​លោក សម រង្សុី អង្គុយ​ទទួលទាន​នំ​បញ្ចុក​ជាមួយគ្នា នោះ​ទិវា​នំ​បញ្ចុក​នឹង​ក្លាយជា ទិវា​ផ្សះផ្សា និង​បង្រួបបង្រួម​ជាតិ ។ អ្នកនយោបាយ គ្មាន​សត្រូវ ឬ​មិត្ត នឹង​គ្នា មួយជីវិត​ឡើយ​!»​។​

​លោក សម រង្ស៉ី ដែល​តែង​វាយប្រហារ​លើ​រាជរដ្ឋាភិបាល និង​គណបក្ស​ប្រជាជន​កម្ពុជា បាន​បន្ទន់ឥរិយាបទ អំពី​ការ​បំភ័យ​សមាជិក​របស់​ខ្លួន ក្នុងការ​ទទួលទាន​នំ​បញ្ចុក​កន្លងមក ក៏​បាន​អំពាវនាវ​ឱ្យ​សមាជិក​ខ្លួន​ទទួលទាន​នំ​បញ្ចុក​ជុំ​គ្នា​ដោយ​រីករាយ នៅ​ថ្ងៃ​អាទិត្យ​ខាងមុខ​នេះ​ផង​ដែរ​៖ «​ថ្ងៃអាទិត្យ ទី​០៩ មិថុនា ខាងមុខនេះ សូម​បងប្អូន​ជនរួមជាតិ និង​កូនក្មួយ​ទាំងអស់ នៅ​ប្រទេស​កម្ពុជា ជួបជុំ​គ្នា​ពិសារ​នំ​បញ្ចុក​ជាមួយគ្នា យ៉ាង​សប្បាយ​រីករាយ​ទាំងអស់គ្នា ដោយ​គ្មាន​ការភ័យខ្លាច​អ្វី​ឡើយ​។ សូម​បងប្អូន​និង​កូនក្មួយ អញ្ជើញ​អ្នក​ជិតខាង​មក​ទទួល​ទាន​នំ​បញ្ចុក​នេះ ជាមួយ​យើង​ផង ហើយ​បើ​គេ​អញ្ជើញ​យើង​ទៅ​ហូប​ជាមួយ​គេ សូម​អញ្ជើញ​ទៅ​ដោយ​ចិត្ត​រីករាយ ក្នុង​ស្មារតី​ភាតរភាព ពីព្រោះ​យើង​ទាំងអស់គ្នា ជា​មហា​គ្រួសារ​ខ្មែរ​តែ​មួយ​»​។​

​ជាមួយគ្នា​នឹង​ការប្រកាស​កុំឱ្យ​យល់ច្រឡំ​ថា មាន​ការចរចា​នយោបាយ​ដោយសារ​យុទ្ធនាការ​នំ​បញ្ចុក​នេះ សម្តេច​តេជោ ហ៊ុន សែន ក៏​បាន​ប្រាប់​ទៅ​សមាជិក​គណបក្ស​ប្រជាជន​កម្ពុជា ដែល​រៀបចំ​កម្មវិធី​នំ​បញ្ចុក នៅ​ថ្ងៃ​ទី​០៩ ខែមិថុនា ខាងមុខនេះ មិន​ត្រូវ​ប្រកាន់​បក្ខពួក​នោះទេ​។ សម្តេច​ថ្លែងថា នៅតាម​មូលដ្ឋាន សមាជិក​គណបក្ស​ប្រជាជន​កម្ពុជា ក៏​អាច​អញ្ជើញ​សមាជិក​បក្ស​ដទៃ​មក​ចូលរួម​ទទួលទាន​បានដែរ មិនតែប៉ុណ្ណោះ បើសិនជា​មាន​បក្ស​ដទៃ​ហៅ​សមាជិក​គណបក្ស​ប្រជាជន​ទទួលទាន​នំ​បញ្ចុក សម្តេច​ក៏​បានអនុញ្ញាត​ឱ្យ​សមាជិក​នោះ​ចូលរួម​ផង​ដែរ​។​ទោះជា​យ៉ាងណា​សម្តេច​តេជោ ហ៊ុន សែន បាន​អំពា​វនា​ឱ្យ​មាន​ការប្រយ័ត្នប្រយែង​រឿង​អា​ណាម័យ​កុំឱ្យ​មាន​ករណី​ពុល​នំ​បញ្ចុក ដែល​អាច​នាំឱ្យ​មាន​ការ​ទម្លាក់កំហុស​មកលើ​រាជរដ្ឋាភិបាល​។​

Filed in: ព័ត៌មានជាតិ

Recent Posts

Bookmark and Promote!

©២០១៣ រក្សាសិទ្ធ​ដោយ​សារព័ត៌មាន សម្លេងនិស្សិតបញ្ញវ័ន្ត | ទូរស័ព្ទ៖ 012924144 / 017655433 | ​ | អ៊ីម៉ែល៖ Email:phoungsreylen@gmail.com

សហការផ្តល់ព័ត៌មាន៖ 012924144 / 017655433 | អ៊ីម៉ែល៖ Email:phoungsreylen@gmail.com