ការិយាល័យ​និពន្ធ 097 60 74 706 / 061 74 00 08 | Email:snpnewskh@gmail.com / Website:www.snp-news.com
របាយការណ៍​ស្ដីពី​គ្រោះថ្នាក់​ចរាចរណ៍​ទូទាំង​ប្រទេស​ប្រចាំ ថ្ងៃទី​០៥ ខែ​មករា ឆ្នាំ​២០១៧ ៖ ​យោង​តាម​ទិន្ន័យ​ដែល​ទទួលបាន​ពី​នាយកដ្ឋាន​ចរាចរណ៍ និង​សណ្ដាប់ធ្នាប់​សាធារណៈ នៃ​អគ្គស្នងការដ្ឋាន​នគរ​បាល​ជាតិ​នៅ​ថ្ងៃនេះ មាន​គ្រោះថ្នាក់​ចរាចរណ៍​កើតឡើង​ចំនួន​១០​លើក ក្នុង​នោះ​បណ្ដាលឲ្យ​មនុស្ស​ស្លាប់​ចំនួន​១០​នាក់​ស្រី​០១ របួសធ្ងន់​ចំនួន​០៨​នាក់​ស្រី​០១ ដែល​បង្កឡើង​ដោយ​ម៉ូតូ​ចំនួន​០៥​លើក រថយន្ត​តូច​ចំនួន​០២​លើក រថយន្ត​ធំ​ចំនួន​០៣​លើក ហើយ​បណ្ដាលឲ្យ​ខូចខាត​ទ្រព្យសម្បត្តិ​អស់​ម៉ូតូ​ចំនួន​១០​គ្រឿង រថយន្ត​តូច​ចំនួន​០២​គ្រឿង រថយន្ត​ធំ​ចំនួន​០២​គ្រឿង និង​គោយន្ត​ចំនួន​០១​គ្រឿង​៕​
ព័ត៌មាន​ថ្មី
សម្ដេច​តេជោ ហ៊ុន សែន អញ្ជើញ​សម្ពោធ​ដាក់ឲ្យ​ប្រើប្រាស់​ជា​ផ្លូវការ​ស្ពានបេតុង​ខ្សែកាប​ឆ្លងកាត់​ទន្លេសាប និង​ស្ពាន​អាកាស​ឫស្សីកែវ - សម្តេច​តេជោ ហ៊ុន សែន អញ្ជើញ​សម្ពោធ​អគារសិក្សា​ថ្មី នៃ​ពុទ្ធិក​សាកលវិទ្យាល័យ​ព្រះ​សីហមុនី​រាជា​ - ​សម្ដេច​តេជោ ហ៊ុន សែន អនុញ្ញាត​ឱ្យ​ឯកអគ្គរាជទូត​ជប៉ុន​ប្រចាំ​កម្ពុជា ចូលជួប​សម្តែង​ការគួរសម និង​ជម្រាបលា​ - សម្តេច​តេជោ ហ៊ុន សែន និង​មេដឹកនាំ​អាស៊ាន អញ្ជើញ​ជួបប្រជុំ​ជាមួយ​អន្តរ​សភា​អាស៊ាន​ - មន្ត្រីរាជការ​អញ្ជើញ​ដាក់​កម្រងផ្កា គោរព​វិញ្ញាណក្ខន្ធ​នៅ​វិមាន​ឯករាជ្យ ក្នុង​ឱកាស​បុណ្យ​ឯករាជ្យ​ជាតិ ៩​វិច្ឆិកា​ខួប​លើក​ទី​៦៩ - សម្ដេច​តេជោ ហ៊ុន សែន អញ្ជើញ​ទទួល​ស្វាគមន៍​នាយករដ្ឋមន្ត្រី​វៀតណាម មក​បំពេញ​ទស្សនកិច្ច​ផ្លូវការ​នៅ​កម្ពុជា​ - សម្តេច​តេជោ ហ៊ុន សែន អញ្ជើញ​ផ្តល់​ស្រូវ​ពូជ និង​ស្បៀងអាហារ ជូន​កសិករ​ជាង​៣​ពាន់​គ្រួសារ នៅ​ខេត្ត​កំពង់ឆ្នាំង​ - សម្ដេច​តេជោ ហ៊ុន សែន អញ្ជើញ​ចែក​ស្រូវពូជ និង​ស្បៀងអាហារ ដល់​ប្រជាពលរដ្ឋ​រងគ្រោះ​ដោយ​ទឹកជំនន់ នៅ​ខេត្ត​បាត់ដំបង​ - សម្តេច​តេជោ ហ៊ុន សែន អញ្ជើញ​ចែក​ស្រូវពូជ​ជាង ៥០០​តោន និង​ស្បៀង ជូន​ប្រជាកសិករ​ជាង ៥​ពាន់​គ្រួសារ នៃ​ខេត្ត​បន្ទាយមានជ័យ​ - សម្តេច​តេជោ ហ៊ុន សែន អញ្ជើញ​ជួប​សំណេះសំណាល​ជាមួយ​អាជ្ញាធរ​ខេត្ត​សៀមរាប​

ប្រជាពលរដ្ឋ​ចោទ​ក្រុម​ចំរុះ​ត្រួតពិនិត្យ​ចរាចរ​លើ​ផ្លូវជាតិ​លេខ​៥​ចំណុច​ខាងជើង​ផ្សារ​ត្រាច ក្នុង​ភូមិសាស្ត្រ​ស្រុក​សាមគ្គី​មានជ័យ ខេត្ត​កំពង់ឆ្នាំង​ថា​ជា​កុងត្រូលជជុះ​!?

​កំពង់ឆ្នាំង​ ៖ ​ក្រុម​ចម្រុះ​មួយ​ក្រុម​របស់​ខេត្ត​កំពង់ឆ្នាំង មាន​មន្ត្រី​នៃ​មន្ទីរ​សាធារណៈការ និង​ដឹកជញ្ជូន​, នគរបាល​ចរាចរណ៍​ផ្លូវគោក​ខេត្ត និង​កម្លាំង​កងរាជអាវុធហត្ថ​ខេត្ត ដែល​មក​បង្កើត​ប៉ុស្តិ៍​ត្រួតពិនិត្យ និង​រឹតបន្តឹង​ច្បាប់​ចរាចរណ៍​ផ្លូវគោក នៅលើ​កំណាត់​ផ្លូវជាតិ​លេខ​៥ ត្រង់​ចន្លោះ​គីឡូម៉ែត្រ​លេខ​៤៣ និង​គីឡូម៉ែត្រ​លេខ​៤៤​ចំណុច​ខាងជើង​ផ្សារ​ត្រាច ក្នុង​ភូមិសាស្ត្រ​ស្រុក​សាមគ្គី​មានជ័យ ខេត្ត​កំពង់ឆ្នាំង កំពុង​ធ្វើឲ្យ​ប្រជាពលរដ្ឋ​មិន​សប្បាយចិត្ត ជាពិសេស ម្ចាស់​រថយន្ត​ដឹក​អ្នកដំណើរ និង​រថយន្ត​ដឹកទំនិញ​ផ្សេងៗ ព្រោះ​ក្រុម​នេះ​បង្ក​ការលំបាក​ដល់​ពួក​គាត់​ក្នុង​ការប្រកប​អាជីវកម្ម​ចិញ្ចឹមជីវិត​។

​ម្ចាស់​រថយន្ត​ដឹក​អ្នកដំណើរ និង​រថយន្ត​ដឹកទំនិញ លើ​ដងផ្លូ​ជាតិ​លេខ​៥ បានឲ្យដឹងថា ក្រុម​ចម្រុះ​នេះ​មិនមែន​គ្រាន់តែ​ដាក់​ប៉ុស្តិ៍ ដើម្បី​រឹតបន្តឹង​ការអនុវត្ត​ច្បាប់​ចរាចរណ៍​ផ្លូវគោក​ទេ គឺ​ដើម្បី​រក​លុយ​ចែក​គ្នា​ចាយ​ទៅ​វិញ​ទៀត​ផង​។​

​ម្ចាស់​រថយន្ត​ទាំង​នេះ​បានបញ្ជាក់​ថា រថយន្ត​ដឹក​អ្នកដំណើរ និង​រថយន្ត​ដឹកទំនិញ​គ្រប់​ប្រភេទ ដែល​ធ្វើ​ចរាចរណ៍​លើ​ដងផ្លូវ​ជាតិ​លេខ​៥ ត្រូវបាន​ក្រុមចម្រុះ​ស្ទាក់​ហៅ​ឲ្យ​ឈប់ ក្រោម​ហេតុផល ដើម្បី​ត្រួតពិនិត្យ​ការដឹក​សំពីងសំពោង ឬ​ផ្ទុក​លើស​ទម្ងន់ និង​ត្រួតពិនិត្យ​មើល​ឯកសារ​ផ្សេងៗ មានដូចជា​ប័ណ្ណបើកបរ ឈៀក និង​លិខិត​អាជីវកម្ម​និង​ត្រួតពិនិត្យ​កង់​រថយន្ត​និ​គ្រឿង​បំពាក់​ផ្សេងៗ​មាន​ភ្លើង​ស៊ីញ៉ូ ស្តុប​ជាដើម​។​

​ពួកគាត់​បាន​រៀបរាប់ថា ប្រសិនបើ​ក្រុម​នេះ​រកឃើញ​អ្នកបើកបរ​ណាមួយ​មាន​កំហុស​អ្វី គេ​នឹង​ពិន័យ​ជា​ប្រាក់​នៅនឹងកន្លែង​តែម្តង ចំណែកឯ​មន្ត្រី​មកពី​មន្ទីរ​សាធារណៈការ និង​ដឹកជញ្ជូន​វិញ នឹង​ពិនិត្យ​មើល​កំហុស​ផ្នែក​បច្ចេកទេស​យានយន្ត រួច​ហើយ​រក​លេស​ទារ​ប្រាក់​ចាប់ពី​៥០០០​រៀល ទៅ​២០០០០​រៀល​ទៅ​50000​រៀល ដោយ​លើក​ហេតុផល​រថយន្ត​ខុស​នេះ ខុស​នោះ​មិនចេះចប់​មិចេះ​ហើយ​។​

​ម្ចាស់​រថយន្ត​ទាំង​នេះ បាន​សំណូមពរ​ថា ប្រសិនបើ​ពួកគាត់​រំលោភ​ច្បាប់ សូម​ពិន័យ​ទៅតាម​ច្បាប់​ចុះ ប៉ុន្តែ​ប្រសិនបើ​ពួកគាត់​មិន​ខុស​អ្វី​ផង ហេតុអ្វី​ក៏​ទារ​រក​លុយ​ពី​ពួកគាត់​ដែរ ក្នុង​ហេតុផល​ថ្លៃ​បាយ ថ្ងៃ​ទឹក សម្រាប់​សមាជិក​ក្រុមចម្រុះ​បំពេញ​ការងារ​ត្រួតពិនិត្យ​លើ​ដងផ្លូវ​ជាតិ​លេខ​៥​។​

​ពួកគាត់​បាន​និយាយ​ចំអក​ថា ក្រុម​ចម្រុះ​មួយ​នេះ​ហាក់ដូចជា​មិនមែន​បំពេញ​តួនាទី ដើម្បី​ក្នុង​បំណង​ពង្រឹង​ការអនុវត្តន៍​ច្បាប់​របស់​ជាតិោះ​ទេ ប៉ុន្តែ​បែរជា​នាំគ្នា​ប្រព្រឹត្ត​អំពើ​ល្មើស​ច្បាប់ តាមរយៈ​ទង្វើ​កៀបសង្កត់​អ្នករកស៊ី​ធ្វើដំណើរ និង​អ្នក​ប្រកប​អាជីវកម្ម​ផ្សេងៗ ឲ្យ​បង់​ប្រាក់ទាំង​ក្តីក្តៅក្រហាយ ដែល​នាំមក​នូវ​ការ​ថ្នាំងថ្នាក់​ក្នុង​ចំណោម​ប្រជាពលរដ្ឋ​ស្លូតត្រង់​ទៅវិញ​៕

Filed in: ព័ត៌មានជាតិ

Recent Posts

Bookmark and Promote!

©២០១៣ រក្សាសិទ្ធ​ដោយ​សារព័ត៌មាន សម្លេងនិស្សិតបញ្ញវ័ន្ត | ទូរស័ព្ទ៖ 012924144 / 017655433 | ​ | អ៊ីម៉ែល៖ Email:phoungsreylen@gmail.com

សហការផ្តល់ព័ត៌មាន៖ 012924144 / 017655433 | អ៊ីម៉ែល៖ Email:phoungsreylen@gmail.com