ការិយាល័យ​និពន្ធ 097 60 74 706 / 061 74 00 08 | Email:snpnewskh@gmail.com / Website:www.snp-news.com
របាយការណ៍​ស្ដីពី​គ្រោះថ្នាក់​ចរាចរណ៍​ទូទាំង​ប្រទេស​ប្រចាំ ថ្ងៃទី​០៥ ខែ​មករា ឆ្នាំ​២០១៧ ៖ ​យោង​តាម​ទិន្ន័យ​ដែល​ទទួលបាន​ពី​នាយកដ្ឋាន​ចរាចរណ៍ និង​សណ្ដាប់ធ្នាប់​សាធារណៈ នៃ​អគ្គស្នងការដ្ឋាន​នគរ​បាល​ជាតិ​នៅ​ថ្ងៃនេះ មាន​គ្រោះថ្នាក់​ចរាចរណ៍​កើតឡើង​ចំនួន​១០​លើក ក្នុង​នោះ​បណ្ដាលឲ្យ​មនុស្ស​ស្លាប់​ចំនួន​១០​នាក់​ស្រី​០១ របួសធ្ងន់​ចំនួន​០៨​នាក់​ស្រី​០១ ដែល​បង្កឡើង​ដោយ​ម៉ូតូ​ចំនួន​០៥​លើក រថយន្ត​តូច​ចំនួន​០២​លើក រថយន្ត​ធំ​ចំនួន​០៣​លើក ហើយ​បណ្ដាលឲ្យ​ខូចខាត​ទ្រព្យសម្បត្តិ​អស់​ម៉ូតូ​ចំនួន​១០​គ្រឿង រថយន្ត​តូច​ចំនួន​០២​គ្រឿង រថយន្ត​ធំ​ចំនួន​០២​គ្រឿង និង​គោយន្ត​ចំនួន​០១​គ្រឿង​៕​
ព័ត៌មាន​ថ្មី
សម្ដេច​តេជោ ហ៊ុន សែន អញ្ជើញ​សម្ពោធ​ដាក់ឲ្យ​ប្រើប្រាស់​ជា​ផ្លូវការ​ស្ពានបេតុង​ខ្សែកាប​ឆ្លងកាត់​ទន្លេសាប និង​ស្ពាន​អាកាស​ឫស្សីកែវ - សម្តេច​តេជោ ហ៊ុន សែន អញ្ជើញ​សម្ពោធ​អគារសិក្សា​ថ្មី នៃ​ពុទ្ធិក​សាកលវិទ្យាល័យ​ព្រះ​សីហមុនី​រាជា​ - ​សម្ដេច​តេជោ ហ៊ុន សែន អនុញ្ញាត​ឱ្យ​ឯកអគ្គរាជទូត​ជប៉ុន​ប្រចាំ​កម្ពុជា ចូលជួប​សម្តែង​ការគួរសម និង​ជម្រាបលា​ - សម្តេច​តេជោ ហ៊ុន សែន និង​មេដឹកនាំ​អាស៊ាន អញ្ជើញ​ជួបប្រជុំ​ជាមួយ​អន្តរ​សភា​អាស៊ាន​ - មន្ត្រីរាជការ​អញ្ជើញ​ដាក់​កម្រងផ្កា គោរព​វិញ្ញាណក្ខន្ធ​នៅ​វិមាន​ឯករាជ្យ ក្នុង​ឱកាស​បុណ្យ​ឯករាជ្យ​ជាតិ ៩​វិច្ឆិកា​ខួប​លើក​ទី​៦៩ - សម្ដេច​តេជោ ហ៊ុន សែន អញ្ជើញ​ទទួល​ស្វាគមន៍​នាយករដ្ឋមន្ត្រី​វៀតណាម មក​បំពេញ​ទស្សនកិច្ច​ផ្លូវការ​នៅ​កម្ពុជា​ - សម្តេច​តេជោ ហ៊ុន សែន អញ្ជើញ​ផ្តល់​ស្រូវ​ពូជ និង​ស្បៀងអាហារ ជូន​កសិករ​ជាង​៣​ពាន់​គ្រួសារ នៅ​ខេត្ត​កំពង់ឆ្នាំង​ - សម្ដេច​តេជោ ហ៊ុន សែន អញ្ជើញ​ចែក​ស្រូវពូជ និង​ស្បៀងអាហារ ដល់​ប្រជាពលរដ្ឋ​រងគ្រោះ​ដោយ​ទឹកជំនន់ នៅ​ខេត្ត​បាត់ដំបង​ - សម្តេច​តេជោ ហ៊ុន សែន អញ្ជើញ​ចែក​ស្រូវពូជ​ជាង ៥០០​តោន និង​ស្បៀង ជូន​ប្រជាកសិករ​ជាង ៥​ពាន់​គ្រួសារ នៃ​ខេត្ត​បន្ទាយមានជ័យ​ - សម្តេច​តេជោ ហ៊ុន សែន អញ្ជើញ​ជួប​សំណេះសំណាល​ជាមួយ​អាជ្ញាធរ​ខេត្ត​សៀមរាប​

​តុលាការ​ដាក់គុក​អ្នកបកប្រែ​ឲ្យ​ទូរទស្សន៍​រុស្ស៊ី​ផលិត​រឿង​«​ម្តាយ​ខ្ញុំ លក់​ខ្ញុំ​»​ដាក់គុក​២​ឆ្នាំ និង​តម្រូវ​ឲ្យ​សងជំងឺចិត្ត​ទៅ​ជនរងគ្រោះ ២​នាក់ សរុប ៧០​លាន​រៀល​?

ភ្នំពេញ​៖ នៅ​រសៀល​ថ្ងៃ​ទី​២៦ ខែមិថុនា ឆ្នាំ​២០១៩​នេះ លោក កូយ សៅ ចៅក្រម​ជំនុំជម្រះ​នៃ​សាលាដំបូង​រាជធានី​ភ្នំពេញ បាន​ប្រកាស​សាលក្រម ដាក់គុក លោក រ៉ាត់ រ័ត្ន​មុនី ប្រធាន​សហព័ន្ធ សហជីព​កម្មករ​សំណង់​កម្ពុជា​ដែល​អះ​ង​អាង​ថា​ជា​អ្នកបកប្រែ​ឲ្យ ផលិតក​ផលិត​វីដេអូ​រឿង «​ម្តាយ​ខ្ញុំ លក់​ខ្ញុំ​»​ដាក់ពន្ធនាគារ កំណត់​រយៈពេល ២​ឆ្នាំ និង​តម្រូវ​ឲ្យ​សងជំងឺចិត្ត​ទៅ​ជនរងគ្រោះ ២​នាក់ សរុប ៧០​លាន​រៀល​។​លោក រ៉ាត់ រ័ត្ន​មុនី បាន​ប្រាប់​ឲ្យ​មេធាវី​ការពារ​សិទ្ធិ របស់​លោក​ប្តឹង​ឧទ្ធរណ៍ ប្រឆាំង​នឹង​សេចក្តីសម្រេច​របស់​តុលាការ​រាជធានី​នេះ​។

​លោក រ៉ាត់ រ័ត្ន​មុនី ត្រូវ​តុលាការ​ចោទប្រកាន់​បទ ញុះញង់​ឱ្យ​មាន​ការរើសអើង យោងតាម​មាត្រា ៤៩៦ នៃ​ក្រម​ព្រហ្មទណ្ឌ ដែល​ផ្តើម​ចេញពី​ការផលិត​វីដេអូ​ឯកសារ​រឿង «​ម្តាយ​ខ្ញុំ លក់​ខ្ញុំ​» ឲ្យ​ឱ្យ​សារព័ត៌មាន RT (Russia Today) របស់​ប្រទេស​រុស្ស៊ី​។​

​នៅក្នុង​សវនាការ​កាលពី​ពេល​កន្លងទៅ ជនជាប់ចោទ រ៉ាត់ រ័ត្ន​មុនី នៅតែ​ច្រាន​ចោល​ការចោទប្រកាន់រ​បស់​តុលាការ និង​អះអាងថា លោក​មិន​បាន​ផលិត​វីដេអូ​រឿង «​ម្តាយ​ខ្ញុំ លក់​ខ្ញុំ​» នោះទេ ដោយ​លោក​គ្រាន់តែ​អ្នកបកប្រែ​ភាសារ​ឲ្យ អ្នកសារព័ត៌មាន​ចំនួន ៤​នាក់ របស់​សារព័ត៌មាន RT (Russia Today) តែប៉ុណ្ណោះ​«​ខ្ញុំ គ្រាន់តែ​ជា​អ្នកបកប្រែ​ឲ្យគេ ចំណែក​រឿង​ថត និង​កាត់ត​វីដេអូ យក​ទៅ​ផ្សាយ ខ្ញុំ​អត់​បាន​ដឹង​ទេ​។ ហើយ​ខ្ញុំ​ក៏​មិន​បាន​ស្គាល់​តួអង្គ​ដែរ គឺ​ក្រុម​អ្នកកាសែត​រុស្ស៊ី​ទាំងអស់នោះ ជា​អ្នកស្វែងរក​ដោយ​ខ្លួន​ពួក​គេ​»​។​

​តែ​តួអង្គ និង​ជា​ជនរងគ្រោះ នៃ​សំណុំរឿង​នេះ បាន​អះអាង​ថា នៅ​មុន​ពេល​ថត​វីដេអូ លោក រ៉ាត់ រ័ត្ន​មុនី បាន​សន្យា​នឹង​រក​ជំនួយ​ជួយ​ពួកគេ​ឲ្យ​បើក​មុខរបរ តាមរយៈ​ជំនួយ​ដែល​បាន​ពី​ការចាក់ផ្សាយ​វីដេអូ​នេះ​នៅ​ក្រៅប្រទេស​។ ក្រុម​ជនរងគ្រោះ បញ្ជាក់ថា លោក រ៉ាត់ រ័ត្ន​មុនី ជា​អ្នក​បង្គាប់ បង្ហាត់​ពួកគេ​សម្តែង និង​និយាយ នៅ​មុន​ពេល​ថត​វីដេអូ​បាន​ប្តឹង​ទាមទារ​សំណង​ជំងឺ​ចិត្ត សរុប​ចំនួន ២​ម៉ឺន​ដុល្លារ ព្រោះ​ពួកគេ​យល់ថា វីដេអូ​រឿង «​ម្តាយ​ខ្ញុំ លក់​ខ្ញុំ​» បាន​ប៉ះពាល់​ដល់​កិត្តិយស​របស់​ពួកគេ​យ៉ាងធ្ងន់ធ្ងរ​។​

​លោក នាក់ សុ​ទ្ធា នាយក​វិទ្យាល័យ ឥន្ទ្រ​ទេវី បាន​បញ្ជាក់ជូន អង្គ​សវនាការ​នា​រសៀល​ថ្ងៃទី​១២ ខែមិថុនា ឆ្នាំ​២០១៩​នេះ​ថា លោក រ៉ាត់ រ័ត្ន​មុនី បាន​ស្នើសុំ​ទីតាំង​សាលា​របស់​លោក ថត​វីដេអូ រឿង ជីវភាព​ប្រជាពលរដ្ឋ​ខ្មែរ​ក្រោយ​របប​ប៉ុលពត​។ ផ្ទុយ​ពី​ការស្នើសុំ លោក រ៉ាត់ រ័ត្ន​មុនី បែរ​ជា​ផលិត​វីដេអូ ពាក់ព័ន្ធ ម្តាយ​លក់​កូន​ឲ្យទៅ​បម្រើសេវា​ផ្លូវភេទ ដែល​ជា​ការប៉ះពាល់​ដល់​កិត្តិយស​របស់​សាលា រហូត​ថ្នាក់ដឹកនាំ​ហៅ​លោក​ទៅ​សាកសួរ និង​ស្តីបន្ទោស​។​

​តុលាការ បញ្ជាក់ថា ជនជាប់ចោទ រ៉ាត់ រ័ត្ន​មុនី ជា​អ្នក​រត់ការ​ទៅ​ក្រសួង​ព័ត៌មាន ស្នើ​សុំ​ការអនុញ្ញាតឲ្យ​ក្រុម​អ្នកសារព័ត៌មាន RT (Russia Today) របស់​ប្រទេស​រុស្ស៊ី ផលិត​វីដេអូ​រឿង «​ជីវភាព ប្រជា​ពលរដ្ឋ​ខ្មែរ ក្រោយ​របប​ខ្មែរក្រហម​» ដោយ​យក​ទីតាំង​ខេត្ត​ព្រះសីហនុ​, ខេត្តសៀមរាប និង​រាជធានី​ភ្នំពេញ ជាទី​តាំង​ថត​។​តែ​បែ​ជា​ថត​រឿង​«​ម្តាយ​ខ្ញុំ លក់​ខ្ញុំ​»​ទៅវិញ​។​

​វីដេអូ​រឿង «​ម្តាយ​ខ្ញុំ លក់​ខ្ញុំ​» ដែល​តុលាការ​ចាក់​បញ្ជាំង​នៅក្នុង​សវនាការ បាន​បង្ហាញ​អំពី ដំណើររឿង​ស្ត្រី​ជា​ម្តាយ បាន​លក់​កូនស្រី​វ័យ​ក្រមុំ ទៅ​ឲ្យ​បម្រើ​ផ្លូវភេទ​របស់​បុរសៗ ក្នុងតម្លៃ​ចន្លោះ​ពី ៤០០​ដុល្លារ ទៅ​១០០០​ដុល្លារ ដែល​អំពើ​នេះ​ត្រូវ​តុលាការ​ចាត់ទុកថា ជា​ការប៉ះពាល់​ដល់​ប្រពៃណី កិត្តិយស របស់​ប្រទេស​កម្ពុជា និង​ប៉ះពាល់​ដល់​កិត្តិយស​របស់​ស្ត្រី​ខ្មែរ ជាពិសេស​តួអង្គ​ដែល​លោក រ៉ាត់ រ័ត្ន​មុនី បាន​សម្ភាសន៍ និង​ថត​យក​ទៅ​ផ្សព្វផ្សាយ​។​

​ពាក់ព័ន្ធ​បទល្មើស ផលិត​វីដេអូ​ឯកសារ​ស្ដីពី​ការជួញដូរ​ផ្លូវភេទ​នៅ​កម្ពុជា​ក្រោម​ចំណងជើង​ថា «​ម្ដាយ​ខ្ញុំ លក់​ខ្ញុំ​» ឲ្យ​សារព័ត៌មាន RT (Russia Today) របស់​ប្រទេស​រុស្ស៊ី និង​បាន​ចាក់​ផ្សាយ​ជា​សាធារណៈ​កាល​កាលពី​ថ្ងៃ​១៤ ខែតុលា ឆ្នាំ​២០១៨​កន្លង​ទៅ​នោះ​លោក រ៉ាត់ រ័ត្ន​មុនី ត្រូវបាន​អាជ្ញាធរ​ថៃ​ចាប់ខ្លួន កាលពី​ថ្ងៃ​ទី​០៧ ខែ​ធ្នូ ឆ្នាំ ២០១៨ តាម​សំណើរ​របស់​អាជ្ញាធ​រ​កម្ពុជា ។​ក្រុមគ្រួសារ​លោក​រ៉ាត់រ​ត្ន័​មុនី​កន្លងមក​បាន​តវ៉ា​នៅ​ស្ថានទូត​រុស្ស៊ី​សុំ​ឲ្យ​ទូរទស្សន៍​រុស្ស៊ី​ដែល​ចេញមុខ​មក​ទទួល​ខុស​ត្រូវ​តែ​មិន​មាន​ការឆ្លើយតប​ឡើយ​៕

Filed in: ព័ត៌មានជាតិ

Recent Posts

Bookmark and Promote!

©២០១៣ រក្សាសិទ្ធ​ដោយ​សារព័ត៌មាន សម្លេងនិស្សិតបញ្ញវ័ន្ត | ទូរស័ព្ទ៖ 012924144 / 017655433 | ​ | អ៊ីម៉ែល៖ Email:phoungsreylen@gmail.com

សហការផ្តល់ព័ត៌មាន៖ 012924144 / 017655433 | អ៊ីម៉ែល៖ Email:phoungsreylen@gmail.com