នៅវេលាម៉ោង១០និង៤០នាទី ថ្ងៃទី២៩ខែមិថុនាឆ្នាំ២០១៩ នគរបាលការិយាល័យជំនាញខេត្តបានសហការជាមួយអធិការដ្ឋាននគរបាលស្រុកកូនមុំរួមជាមួយកំលាំងប៉ុសិ៍្តរដ្ធបាលនគរបាលឃុំស្រែអង្គ្រងបានចុះបង្ក្រាបជាក់ស្តែងករណីជួញដូរ រក្សាទុកនិងប្រើប្រាស់ដោយខុសច្បាប់នូវសារធាតុញៀន។
កិច្ចប្រតិបត្តិការនេះមានការសម្របសម្រួលពីលោក រ៉ា បូរ៉ាន់ឌី ព្រះរាជអាជ្ញារងនៃសាលាដំបូងខេត្តរតនគីរីនៅចំណុចការដ្ឋានទី៧ដីក្រុមហ៊ុនហង័អាញ់ ស្ថិតនៅភូមិ៣ ឃុំស្រែអង្គ្រង ស្រុកកូនមុំខេត្តរតនគិរី ដោយកំលាំងជំនាញអធិការដ្ឋាន បានឃាត់ខ្លួនជនសង្ស័យចំនួន០២នាក់ឈ្មោះ សេង ចិត្តនិងឈ្មោះសេន យ៉ាភេទស្រី(ប្តីប្រពន្ធ)ដោយត្រួតរកឃើញម្សៅក្រាមពណ៌សថ្លាសង្ស័យសារធាតុញៀនចំនួន០១ថង់តូចជាប់នៅខ្លួននិងម៉ូតូ០១គ្រឿង។
សមត្ថកិច្ចបាននាំខ្លួនជនសង្ស័យទាំង០២នាក់ខាងលើមកសាកសួរទើបឈានដល់ទៅឆែកឆេរទីតាំងមួយកន្លែងជារបស់ឈ្មោះខែត វិមាឌ ដោយកិច្ចការងារនេះក៏មានការរួមសហការពីកំលាំងប៉ុស្តិរដ្ឋបាលនគរបាលត្រពាំងក្រហម និងក៏មានចូលរួមពីសំណាក់លោកស្រីមេភូមិភូមិ៣ឃុំត្រពាំងក្រហម ស្រុកកូនមុំខេត្តរតនគិរី ហើយកិច្ចប្តិបត្តិការនេះសមត្ថកិច្ចបានរកឃើញម្សៅក្រាមពណ៌សថ្លាសង្ស័យជាសារធាតុញៀនចំនួន0២ថង់ធំនិងឃាត់ខ្លួនជនង្ស័យចំនួន0៤នាក់មានឈ្មោះដូចខាងក្រោម÷
១-ជនសង្ស័យឈ្មោះ សេង ចិត្ត ភេទប្រុស អាយុ៣៣ ឆ្នាំ ជនជាតិ ខ្មែរ មុខរបរកម្មករ មានទីលំនៅបច្ចុប្បន្ននៅក្នុងក្រុមហ៊ុនហង័អាញ់ភូមិ៣ឃុំ ស្រែអង្គ្រង ស្រុកកូនមុំខេត្តរតនគិរី
២-ឈ្មោះសេន យ៉ា ភេទស្រីអាយុ៣០ឆ្នាំជនជាតិខ្មែរឥស្លាម មានទីលំនៅបច្ចុប្បន្ននៅក្នុងក្រុមហ៊ុនហង័អាញ់ ភូមិ៣ឃុំស្រែអង្គ្រងស្រុកកូនមុំ ខេត្តរតនគិរី មុខរបរកម្មករ។
៣ ឈ្មោះ ខែត វិមាឌ ភេទប្រុសជនជាតិខ្មែរអាយុ១៩ឆ្នាំមានទីលំនៅបច្ចុប្បន្នភូមិភូមិ៣ឃុំត្រពាំងក្រហម ស្រុកកូនមុំខេត្តរតនគិរីមុខរបរមិនពិតប្រាកដ។
៤-ឈ្មោះ សាន និតភេទប្រុសអាយុ២០ឆ្នាំជនជាតិខ្មែរមានទីលំបច្ចុប្បន្នភូមិ៣ឃុំត្រពាំក្រហម ស្រុកកូនមុំខេត្តរតនគិរីមុខរបរមិនពិតប្រាកដ។
៥- ឈ្មោះ ផល សុខលី ភេទប្រុសអាយុ២៤ឆ្នាំជនជាខ្មែរមានទីលំនៅបច្ចុប្បន្នភូមិ៣ឃុំត្រពាំងក្រហមស្រុកកូនមុំខេត្តរតនគិរីមុខរបរមិនពិតប្រាកដ។
៦-ឈ្មោះហ្វឿន ប៊ុនហ្វុងភេទប្រុសអាយុ១៥ឆ្នាំជនជាតិខ្មែរ មានទីលំនៅបច្ចុប្បន្នភូមិ៣ឃុំត្រពាំក្រហម ស្រុកូនមុំខេត្តរតនគិរីមុខរបរមិនពិតប្រាកដ។
ជនសង្ស័យទាំង ០៦ នាក់បានធ្វើតេស្តទឹកនោមលទ្ធផលវិជ្ជមានទាំង០៤នាក់(+)អវិជ្ជមាន(-)២នាក់ ឈ្មោះ សេង ចិត្តនិងឈ្មោះ សេន យ៉ា។
វត្ថុតាងរួមមាន:ម្សៅក្រាមពណ៌សថ្លា(សង្ស័យជាសារធាតុញៀន)ចំនួន03ថង់២តូច១ទម្ងន់១៧២•៧៨ក្រាមម៉ូតូ០៣គ្រឿង ទូរសព្ទ៣គ្រឿង ដាវ០១ដើម។
បច្ចុប្បន្ន ជនសង្ស័យរួមនឹងវត្ថុតាងកំពុងឃាត់ខ្លួនបណ្តោះអាសន្ន នៅការិយាល័យជំនាញខេត្តដើម្បីកសាងសំណុំរឿងបញ្ជូនទៅអយ្យកាអមតុលាការខេត្ត ៕