សមត្ថកិច្ចជំនាញនៃការិយាល័យប្រឆាំងគ្រឿង ញៀនខេត្តរតនគីរីសហការជាមួយកំលាំងមន្ទីរប្រឆាំងគ្រឿងញៀន(ក៩)បានចុះបង្ក្រាបករណីជួញដូរដោយខុសច្បាប់នូវសារធាតុញៀន នៅចំនុចក្បាលស្ពានសេកុង ស្ថិតក្នុងភូមិស្រែពោធិ សង្កាត់ស្រះឫស្សី ក្រុងស្ទឹងត្រែង ខេត្តស្ទឹងត្រែង។
កិច្ចប្រតិបត្តិការមួយនេះសមត្ថកិច្ចបានឃាត់ខ្លួនជនសង្ស័យចំនួន០២មានឈ្មោះដូចខាងក្រោម៖
១.ឈ្មោះ ថង់ ភីន ភេទប្រុស អាយុ ៤១ឆ្នាំ ជនជាតិខ្មែរ(សព្ជាាតិឡាវ) មុខរបរកសិករ។
២.ឈ្មោះ ឡៃ ស៊ូលីប ភេទប្រុស អាយុ ២៨ឆ្នាំ ជនជាតិខ្មែរ មុខរបរកសិករ។
ជនសង្ស័យខាងលើត្រូវបានសមត្ថកិច្ចធ្វើតេស្តទឹកនោមរកសារជាតិគ្រឿងញៀនដោយលទ្ធផល អវិជ្ជមាន( – )។
រីឯវត្ថុតាងដែលសមត្ថកិច្ចចាប់យកបានរួមមាន៖ម្សៅក្រាមសថ្លាសង្ស័យសារធាតុញៀនចំនួន ០៣ថង់ធំ ទម្ងន់២៨៩៦.៤៦ក្រាម(ទម្ងន់សុទ្ធ) ម៉ូតូចំនួន០១ គ្រឿង -ទូរស័ព្ទ០១គ្រឿង។
បច្ចុប្បន្ន ជនសង្ស័យរួមទាំងវត្ថុតាងត្រូវបានការិយា ល័យជំនាញកសាងសុំណុំរឿងបញ្ជូនទៅអយ្យកាអមសាលា ដំបូងខេត្តចាត់ការតាមនិតិវិធី ៕
