ការិយាល័យ​និពន្ធ 012924144 / 017655433 | Email:phoungsreylen@gmail.com / Website:www.snp-news.com
របាយការណ៍​ស្ដីពី​គ្រោះថ្នាក់​ចរាចរណ៍​ទូទាំង​ប្រទេស​ប្រចាំ ថ្ងៃទី​០៥ ខែ​មករា ឆ្នាំ​២០១៧ ៖ ​យោង​តាម​ទិន្ន័យ​ដែល​ទទួលបាន​ពី​នាយកដ្ឋាន​ចរាចរណ៍ និង​សណ្ដាប់ធ្នាប់​សាធារណៈ នៃ​អគ្គស្នងការដ្ឋាន​នគរ​បាល​ជាតិ​នៅ​ថ្ងៃនេះ មាន​គ្រោះថ្នាក់​ចរាចរណ៍​កើតឡើង​ចំនួន​១០​លើក ក្នុង​នោះ​បណ្ដាលឲ្យ​មនុស្ស​ស្លាប់​ចំនួន​១០​នាក់​ស្រី​០១ របួសធ្ងន់​ចំនួន​០៨​នាក់​ស្រី​០១ ដែល​បង្កឡើង​ដោយ​ម៉ូតូ​ចំនួន​០៥​លើក រថយន្ត​តូច​ចំនួន​០២​លើក រថយន្ត​ធំ​ចំនួន​០៣​លើក ហើយ​បណ្ដាលឲ្យ​ខូចខាត​ទ្រព្យសម្បត្តិ​អស់​ម៉ូតូ​ចំនួន​១០​គ្រឿង រថយន្ត​តូច​ចំនួន​០២​គ្រឿង រថយន្ត​ធំ​ចំនួន​០២​គ្រឿង និង​គោយន្ត​ចំនួន​០១​គ្រឿង​៕​
ព័ត៌មាន​ថ្មី
រឿង​កញ្ញា ចរិយា​ចោទ​ផែ​សុវណ្ណ​រី​ទ្ធ​ថា​ក្បត់ចិត្ត ចុងក្រោយ​ថា​ជាការ​លេងសើច​លោក អ៊ឹម ជីវ៉ា ប្រាប់ អ្នកនាង ធី សុវណ្ណ​ថា ត្រូវ​រក​អ្នក​នៅ​ពីក្រោយ​ខ្នង​រឿងនេះ​មក​ផន្ទាទោស​! - ​ក្រពើ​កាន់សីល ដែល​លោក​ជំទាវ ហ៊ុន ស៊ី​ណាត ព្រលែង​បី​ថ្ងៃ​មុន​គេ​ជេរ​ពេញ​ភូមិ​អា​ឡូ​វ ចាប់​បាន​វិញ​ហើយ​… - ​សម រង្ស៉ី មិន​អាច​ឡើង​ជិះ​យន្តហោះ​ចេញ​ពី​ស្រុក​បារាំង​ចូល​ស្រុក​សៀម​បានទេ​តែ​លោក​ស្រីមូ​សុខ​ហួនៅ​ម៉ាឡេស៊ី​បាន​១​អាទិត្យ​! - ​សម្តេច​តេ​ជោមាន​កង្វល់​អំពី​ការ​ខ្វះ​ភ្លើង​នា​ខែប្រាំង​ឆ្នាំ​២០២០​បាន​ជម្រុញ​រដ្ឋ​មន្ត្រី​ឲ្យ​ខំ​ដោះស្រាយ​! - ​អតីត​ប្រធាន​ប្រធាន​មន្ទីរ​សាធារណការ​និង​ដឹកជញ្ជូន​ខេត្ត​ព្រះសីហនុ​ឡើង​ថា​នៈ​ជា​អគ្គនាយករង​! - ឧកញ៉ា​ថោង​សា​រ៉ា​ត​សាលាដំបូង​កាត់​ដាក់គុក​តែ​ឧទ្ធរណ៍​ដោះលែង​ដោយ​និយាយថា​រឿង​ស្មុគស្មាញ​!? - ​អភិបាលក្រុង ផ្ដល់​ម៉ូតូ​ដឹក​សំរាម​ទំនើប ជិត​១០០ គ្រឿង​ដល់​ខណ្ឌ​៤​សម្រាប់​ត្រៀម​ដឹក​សំរាម ពេល​បុណ្យ​អ៊ុំ​ទូក​! - ​នា​យក​រដ្ឋមន្ត្រី​ចិន​គាំទ្រ​ការសុំ​ជួយ​អភិ​វ​ឌ្ឈ​ខេត្ត​ព្រះសីហនុ​និង​ការប្រជុំ​រដ្ឋាភិបាល​កម្ពុ​ជា​ចិន​ - ​ចាន់​សុ​បញ្ញា​នាំយក​ជ័យលាភី​ទៅ​ប្រគេន​ល្បង​និង​ឪពុក​ម្តាយ​ស​សេរ​សារ​កំសត់​! - បារាំង ងាក​ទៅរក​ចិន ដោយសារ​តែ​គោលនយោបាយ​អាត្មានិយម​របស់​លោក​ត្រាំ​

​អ្នកនាំពាក្យ​ក្រសួង​ការពារជាតិ​ចេញ​សេចក្តីថ្លែងការណ៍​ការពា​រដ្ឋមន្ត្រី​

ភ្នំពេញ ៖ អ្នកនាំពាក្យ​ក្រសួង​ការពារជាតិ នាយ​ឧត្តមសេនីយ៍ ឈុំ សុជា​ត នៅ​ថ្ងៃ​ទី​១៥ ខែតុលា ឆ្នាំ​២០១៩ បានចេញ​សេចក្តីថ្លែងការណ៍​មួយ​ការពារ​លោកនាយ​ឧត្តមសេនីយ៍ទៀ​បាញ់ពី​ការរិះគន់​ក្រោយពី​លោក​បាន​ថ្លែង​ឲ្យ​កំទេច​អ្នកគាំទ្រ​សមរង្ស៊ី​ដោយ​ចោទ​ថា​ជា​ពួក​ឧទ្ទាម​នៅ​ក្នុង​ការ​ប្រារព្ធ​ខួបកំណើត​កងពល​តូច​លេច​៧០​កាលពី​ថ្ងៃ​ទី​១៤​តុលា​ឆ្នាំ​២០១៩​ហើយ​ទ​ទូល​រង​ការរិះគន់​ពី​ភាព​អព្យាក្រិត្យ​របស់​កងទ័ព​!​។

​សេចក្តីថ្លែងការណ៍ បានបញ្ជាក់​ថា អ្នកនាំពាក្យ​ក្រសួង​ការពារជាតិ សូម​ជម្រាប​ជូន​ដល់​សាធារណ​មតិ​ជាតិ និង​អន្តរជាតិ ឱ្យបាន​ជ្រាបថា នា​ពេល​ថ្មីៗ​នេះ មាន​សារព័ត៌មាន និង​សង្គម​ស៊ីវិល​មួយចំនួន នៅតែ​មាន​ការយល់ច្រឡំ​អំពី​តួនាទី​របស់ កងយោធពល​ខេមរភូមិន្ទ​។​

​អ្នកនាំពាក្យ​ក្រសួង​ការពារជាតិ សូម​បញ្ជាក់​ឱ្យ​កាន់តែច្បាស់​អំពី​តួនាទី​នេះ ដូចខាងក្រោម​៖
១៖ កងយោធពល​ខេមរភូមិន្ទ មាន​តួនាទី​ដូចដែល​បាន​ចែង​ក្នុង​រដ្ន​ធម្មនុញ្ញ​គឺ​ការពារ ជាតិ សាសនា និង​ព្រះមហាក្សត្រ​។ ដូច្នេះ ប្រសាសន៍ និង​បទបញ្ជា​របស់ សម្តេច​ពិជ័យ​សេនា ទៀ បាញ់ ឧបនាយក​រដ្ន​មន្ត្រី រដ្ន​មន្ត្រី​ក្រសួង​ការពារជាតិ កាលពី​ថ្ងៃ​ទី​១៤ ខែតុលា ឆ្នាំ​២០១៩ ក្នុង​ឱកាស​ប្រារព្ធ​ខួប​លើក​ទី​២៥​ឆ្នាំ នៃ​ការបង្កើត​កងពល​លេខ​៧០ គឺ​ជា​បទបញ្ជា​ដ៏​ត្រឹមត្រូវ​បំផុត ដែល​កងយោធពល​ខេមរភូមិន្ទ ត្រូវតែ​អនុវត្ត​ជាដាច់ខាត ពី​ព្រោះ​បញ្ហា​នេះ​ទាក់ទង​ទៅ​នឹង​សន្តិសុខ សន្តិភាព ស្ថិរភាព​ទាំង​សេដ្ឋកិច្ច នយោបាយ និង​ការអភិវឌ្ឍ របស់​ព្រះរាជាណាចក្រ​កម្ពុជា​។​

២៖ ក៏​ប៉ុន្តែ​បើសិនជា​មាន វិវាទ​នយោបាយ​រវាង គណបក្សនយោបាយ និង​គណបក្ស​នយោបាយ កងយោធពល​ខេមរភូមិន្ទ រក្សារ​ជំហរ​អព្យាក្រិតភាព​របស់ខ្លួ​ន​។ ផ្ទុយទៅវិញ ទង្វើ​ប៉ុនប៉ង​របស់​ជន​ក្បត់ជាតិ សម រង្ស៊ី និង​បក្ខពួក​របស់​ខ្លួន តម្រូវឱ្យ​កងយោធពល​ខេមរភូមិន្ទ មិន​អាច​អត់អោន​ឱ្យបាន​ជា​ដាច់ខាត ពី​ព្រោះ​ក្រុម​អគតិ​ទាំង​នោះ ដែលមាន ទណ្ឌិត សម រង្ស៊ី ជា​មេខ្លោង ត្រូវបាន​ស្ថាប័ន​មាន​សមត្ថកិច្ច​ចោទ​ពី​បទ​ឧបឃាត កាលពី​ថ្ងៃ​ទី​១៩ ខែ​កញ្ញា ឆ្នាំ​២០១៩ កន្លងទៅនេះ​។​ក្នុង​បរិបទ​នេះ កងយោធពល​ខេមរភូមិន្ទ ត្រូវតែ​មាន​កាតព្វកិច្ច​ពេញលេញ ដើម្បី​ការពារ​ព្រះរាជាណាចក្រ​កម្ពុជា គ្រប់​ទម្រង់​ទាំងអស់​។​

​សូមបញ្ជាក់​ថា ក្នុង​ពិធី​ប្រារព្ធ​ខួប​អនុស្សាវរីយ៍​លើក​ទី​២៥ នៃ​ថ្ងៃ​បង្កើត​កងពល នា​ព្រឹក​ថ្ងៃទី​១៤ ខែតុលា ឆ្នាំ​២០១៩ សម្តេច​ពិជ័យ​សេនា ទៀ បាញ់ ឧបនាយករដ្ឋមន្ត្រី និង​ជា​រដ្ឋមន្ត្រី​ក្រសួង​ការពារជាតិ បាន​ណែនាំ​ដល់ មេបញ្ជាការ មេបញ្ជាការរង និង​ពលទាហាន កងពលតូច​លេខ​៧០ ក៏ដូចជា​កងទ័ព​ទាំងអស់ ត្រូវ​សហការ​ជាមួយ​ក្រសួង ស្ថាប័ន​មាន​សមត្ថកិច្ច អាជ្ញាធរ​ដែនដី​គ្រប់​លំដាប់ថ្នាក់ ចាត់​វិធានការ​ចំពោះ​ទណ្ឌិត សម រង្ស៉ី និង​បក្ខពួក ដែល​ប៉ុនប៉ង​ធ្វើ​រដ្ឋប្រហារ ផ្តួលរំលំ​រាជរដ្ឋាភិបាល​កម្ពុជា​ស្របច្បាប់​។​

​បន្ទាប់ពី​មាន​បទបញ្ជា​នេះ វិទ្យុ​អាស៊ីសេរី រួម​ទាំង​សង្គម​ស៊ីវិល​មួយចំនួន បែរ​បាន​រិះគន់​ថា បទបញ្ជា​របស់​សម្តេច​ពិជ័យ​សេនា ធ្វើឡើង​ដើម្បី​ការពារ​អំណាច​រាជរដ្ឋាភិបាល​ទៅ​វិញ​។​សូមបញ្ជាក់​ថា ទណ្ឌិត សម រង្ស៉ី បានប្រកាស​វិល​ចូល​ប្រទេស​កម្ពុជា នៅ​ថ្ងៃ​ទី​០៩ ខែវិច្ឆិកា ឆ្នាំ​២០១៩ ក្នុង​គោលបំណង​កៀរគរ​កម្លាំង​ធ្វើ​រដ្ឋប្រហារ​ខុសច្បាប់ ផ្តួលរំលំ​រាជរដ្ឋាភិបាល​កម្ពុជា​ស្របច្បាប់ ដែល​កើតចេញ​ពី​ការបោះឆ្នោត​។​

Filed in: ព័ត៌មានជាតិ

Recent Posts

Bookmark and Promote!

©២០១៣ រក្សាសិទ្ធ​ដោយ​សារព័ត៌មាន សម្លេងនិស្សិតបញ្ញវ័ន្ត | ទូរស័ព្ទ៖ 012924144 / 017655433 | ​ | អ៊ីម៉ែល៖ Email:phoungsreylen@gmail.com

សហការផ្តល់ព័ត៌មាន៖ 012924144 / 017655433 | អ៊ីម៉ែល៖ Email:phoungsreylen@gmail.com