ការិយាល័យ​និពន្ធ 097 60 74 706 / 061 74 00 08 | Email:snpnewskh@gmail.com / Website:www.snp-news.com
របាយការណ៍​ស្ដីពី​គ្រោះថ្នាក់​ចរាចរណ៍​ទូទាំង​ប្រទេស​ប្រចាំ ថ្ងៃទី​០៥ ខែ​មករា ឆ្នាំ​២០១៧ ៖ ​យោង​តាម​ទិន្ន័យ​ដែល​ទទួលបាន​ពី​នាយកដ្ឋាន​ចរាចរណ៍ និង​សណ្ដាប់ធ្នាប់​សាធារណៈ នៃ​អគ្គស្នងការដ្ឋាន​នគរ​បាល​ជាតិ​នៅ​ថ្ងៃនេះ មាន​គ្រោះថ្នាក់​ចរាចរណ៍​កើតឡើង​ចំនួន​១០​លើក ក្នុង​នោះ​បណ្ដាលឲ្យ​មនុស្ស​ស្លាប់​ចំនួន​១០​នាក់​ស្រី​០១ របួសធ្ងន់​ចំនួន​០៨​នាក់​ស្រី​០១ ដែល​បង្កឡើង​ដោយ​ម៉ូតូ​ចំនួន​០៥​លើក រថយន្ត​តូច​ចំនួន​០២​លើក រថយន្ត​ធំ​ចំនួន​០៣​លើក ហើយ​បណ្ដាលឲ្យ​ខូចខាត​ទ្រព្យសម្បត្តិ​អស់​ម៉ូតូ​ចំនួន​១០​គ្រឿង រថយន្ត​តូច​ចំនួន​០២​គ្រឿង រថយន្ត​ធំ​ចំនួន​០២​គ្រឿង និង​គោយន្ត​ចំនួន​០១​គ្រឿង​៕​
ព័ត៌មាន​ថ្មី
សម្ដេច​តេជោ ហ៊ុន សែន អញ្ជើញ​សម្ពោធ​ដាក់ឲ្យ​ប្រើប្រាស់​ជា​ផ្លូវការ​ស្ពានបេតុង​ខ្សែកាប​ឆ្លងកាត់​ទន្លេសាប និង​ស្ពាន​អាកាស​ឫស្សីកែវ - សម្តេច​តេជោ ហ៊ុន សែន អញ្ជើញ​សម្ពោធ​អគារសិក្សា​ថ្មី នៃ​ពុទ្ធិក​សាកលវិទ្យាល័យ​ព្រះ​សីហមុនី​រាជា​ - ​សម្ដេច​តេជោ ហ៊ុន សែន អនុញ្ញាត​ឱ្យ​ឯកអគ្គរាជទូត​ជប៉ុន​ប្រចាំ​កម្ពុជា ចូលជួប​សម្តែង​ការគួរសម និង​ជម្រាបលា​ - សម្តេច​តេជោ ហ៊ុន សែន និង​មេដឹកនាំ​អាស៊ាន អញ្ជើញ​ជួបប្រជុំ​ជាមួយ​អន្តរ​សភា​អាស៊ាន​ - មន្ត្រីរាជការ​អញ្ជើញ​ដាក់​កម្រងផ្កា គោរព​វិញ្ញាណក្ខន្ធ​នៅ​វិមាន​ឯករាជ្យ ក្នុង​ឱកាស​បុណ្យ​ឯករាជ្យ​ជាតិ ៩​វិច្ឆិកា​ខួប​លើក​ទី​៦៩ - សម្ដេច​តេជោ ហ៊ុន សែន អញ្ជើញ​ទទួល​ស្វាគមន៍​នាយករដ្ឋមន្ត្រី​វៀតណាម មក​បំពេញ​ទស្សនកិច្ច​ផ្លូវការ​នៅ​កម្ពុជា​ - សម្តេច​តេជោ ហ៊ុន សែន អញ្ជើញ​ផ្តល់​ស្រូវ​ពូជ និង​ស្បៀងអាហារ ជូន​កសិករ​ជាង​៣​ពាន់​គ្រួសារ នៅ​ខេត្ត​កំពង់ឆ្នាំង​ - សម្ដេច​តេជោ ហ៊ុន សែន អញ្ជើញ​ចែក​ស្រូវពូជ និង​ស្បៀងអាហារ ដល់​ប្រជាពលរដ្ឋ​រងគ្រោះ​ដោយ​ទឹកជំនន់ នៅ​ខេត្ត​បាត់ដំបង​ - សម្តេច​តេជោ ហ៊ុន សែន អញ្ជើញ​ចែក​ស្រូវពូជ​ជាង ៥០០​តោន និង​ស្បៀង ជូន​ប្រជាកសិករ​ជាង ៥​ពាន់​គ្រួសារ នៃ​ខេត្ត​បន្ទាយមានជ័យ​ - សម្តេច​តេជោ ហ៊ុន សែន អញ្ជើញ​ជួប​សំណេះសំណាល​ជាមួយ​អាជ្ញាធរ​ខេត្ត​សៀមរាប​

សម្តេច​តេជោ​៖​រឿង​អ្នក​ចាញ់បោក​ប្រកាស​លែង​នៅ​ខេត្ត​កំពត​តែ​ប្រកាសថា​អាច​ប្រមូល​វិញ​នៅ​ខេត្ត​ព្រះសីហនុ​!

ព្រះសីហនុ​៖ កាលពី​ព្រឹក​ថ្ងៃទី​១៦ ខែវិច្ឆិកា ឆ្នាំ​២០១៩​នេះ​ក្នុងឱកាស​អញ្ជើញ​បើក​ការដ្ឋាន​សាងសង់​ផ្លូវ​៣៤​ខ្សែ ក្នុង​ក្រុង​ព្រះសីហនុ សម្ដេច​តេជោ ហ៊ុន សែន នាយករដ្ឋមន្ដ្រី​នៃ​កម្ពុជា បាន​ថ្លែងថា ការដោះលែង​មនុស្ស​ទាំង​៧២​នាក់ ដែល​បាញ់​បោក​ទៅ​គាំទ្រ​ក្រុម​ក្បត់ជាតិ សម រង្ស៉ី មិនមែន​ដោយសារ​សម្ពាធ​ពី​បរទេស​ឡើយ ពោល​ដោយសារតែ​សម្ដេច​អាណិត​អ្នក​ទាំងនោះ​តែ​អាច​ប្រមូល​វិញ​បាន​តើ​ព្រោះថា​ការដោះលែង​នេះ ជា​ការដាក់ឲ្យ​នៅ​ក្រៅ​ឃុំ​បណ្ដោះអាសន្ន ហើយ​សំណុំរឿង​មិន​ទាន់​បញ្ចប់​ទេ​!​។

​សម្ដេច​តេជោ ហ៊ុន សែន ៖«​ឥលូវ​នេះ​រខេករខាក​ប៉ុណ្ណឹង​ហើយ ហ៊ាន​បង្ហោះ​ថា ហ៊ុន សែន ត្រូវ​គេ​សង្កត់​ទើប​ដោះលែង អា​លូវ​អ្នក​ឯង​ចង់​ទេ ខ្ញុំ​ប្រមូល​យក​មក​វិញ ហើយ​ចាប់​ថែម​ទាំង​អាណា​ថា […] អ្នក​ដែល​មិន​ទាន់​ត្រូវ​កាត់ទោស​នេះ ត្រូវ​ប្រយ័ត្នប្រយែង​មិន​ត្រូវ​ធ្វើ​សកម្មភាព ឲ្យសោះ បើ​ធ្វើ​សកម្មភាព​គឺ​ត្រូវ​ប្រមូល​ត្រឡប់មកវិញ កុំ​និយាយ​រឿង​សម្ពាធ​អន្ដរជាតិ យើង​បាន​ប្រាប់​ហើយ​ថា យើង​មិន​អាច​យក​អធិបតេយ្យ​ជាតិ​របស់​យើង ទៅ​ដោះដូរ​ជាមួយ​ការអនុគ្រោះ ឬ​ជំនួយ​ណា​ទាំងអស់​»​។​

​សូមបញ្ជាក់​ថា​កាលពី​ព្រឹក​ទី​១៤ ខែវិច្ឆិកា ឆ្នាំ​២០១៩ ក្នុង​ពិធី​សម្ពោធ​ដាក់ឲ្យ​ដំណើរការ​ជា​ផ្លូវការ នូវ​រោងចក្រ​ស៊ីម៉ង់តិ៍​ថៃ​ប៊ុនរ៉ុង នៅ​ខេត្ត​កំពត សម្តេច​តេជោ ហ៊ុន សែន ក៏​បាន​អំពាវនាវ​ឲ្យ​ប្រជា​ពលរដ្ឋ​ខ្មែរ ដែល​ចាញ់បោក​ការ​ញុះញង់​របស់​ក្រុម​ក្បត់ជាតិ សម រង្ស៉ី ហើយ​រត់​ទៅ​ប្រទេស​ថៃ រត់ចេញ​ពី​លំនៅដ្ឋាន​នោះ វិលត្រឡប់​ចូល​ប្រទេស​កម្ពុជា ឬ​ទៅ​កាន់​លំនៅដ្ឋាន​វិញ ដោយ​រាជរដ្ឋាភិបាល​នឹង​មិន​យក​ទោសពៃរ៍​នោះទេ​។​

​ជាមួយគ្នានេះ សម្ដេច​តេជោ​នាយករដ្ឋមន្ដ្រី ក៏​នៅតែ​បន្ដ​អំពាវនាវ​ដល់​អ្នក​ដែល​បាញ់​បោក​ក្រុម​ក្បត់ជាតិ សម រង្ស៉ី ហើយ​បាន​រត់​ភៀសខ្លួន​ទៅ​បរទេស ឬ​ចំណាកស្រុក ត្រូវ​ត្រឡប់មកផ្ទះ ឬ​ស្រុក​កំណើត​វិញ ដោយ​មិន​មាន​ការចាប់ខ្លួន​អ្វី​ទាំងអស់​។ ប៉ុន្ដែ​ចំណុច​នេះ សម្ដេច​តេជោ ហ៊ុន សែន បាន​សង្កត់ធ្ងន់ថា ចំពោះ​មនុស្ស​១៨​នាក់ ដែល​ជា​មេក្លោង​ក្រុម​ក្បត់ជាតិ មិន​ត្រូវបាន​លើកលែង​នោះទេ ដីកា​បង្គាប់​ឲ្យ​ចាប់ខ្លួន​នៅ​អនុវត្ត​បន្ដ​។​

​ក្រៅពីនេះ​នាយករដ្ឋមន្ត្រី​នៃ​កម្ពុជា បាន​បញ្ជាក់​យ៉ាង​ដូច្នេះ​ថា​៖ «​អ្នកខ្លះ​ថា ចាប់​គេ​តាម​ទំនើងចិត្ត​។ អ្នកនាំពាក្យ​ក្រសួង​យុត្តិធម៌ លោក គឹម សន្តិភាព បានធ្វើការ​បញ្ជាក់​ហើយ ចាប់​ដោយ​ទំនើងចិត្ត​មានន័យថា​ខុសច្បាប់ ហើយ​មិនមែន​គ្រាន់​តែ​ច្បាប់​ទេ អ្នក​ដែល​ចាប់​គេ​ក៏​ត្រូវ​មានទោស​ទៀត​។ អាហ្នឹង​ចាប់​គេ​តាម​ទំនើងចិត្ត គេ​អត់​មាន​ដីកា គេ​អត់​មាន​កំហុស អត់​មាន​ភស្តុតាង​គ្រប់គ្រាន់ ជាពិសេស​អត់​មាន​ដីកា​តុលាការ ហើយ​ទៅ​ចាប់​គេ​។ [​ចាប់​គេ​ដោយ​គ្មាន​ដីកា​] បាន​តែ​បទ​ល្មើស​ជាក់ស្តែង​ទេ​។ ប៉ុន្តែ​ក្រៅពីនោះ ត្រូវ​មាន​ដីកា​តុលាការ​»​។​

​ឆ្លើយតប​នឹង​ក្រុម​រិះគន់ថា នៅ​កម្ពុជា​មាន​ការចាប់ខ្លួន​តាម​ទំនើងចិត្ត​នោះ សម្តេច​តេជោ ហ៊ុន សែន បាន​ច្រានចោល ដោយ​អះអាង​ថា មិន​មាន​នោះ​ទេ ពោល​ការចាប់ខ្លួន​នរណាម្នាក់ ត្រូវ​ធ្វើតាម​នីតិវិធី​ជា​ធរមាន​។​«​អ្នកឯង​ត្រូវ​ចាំ កុំ​ប្រើ​ពាក្យ​ចាប់​ដោយ​ទំនើ​ង ហើយ​ភាសា​ចាប់​ដោយ​ទំនើង​នេះ សូមបញ្ជាក់ នៅ​កម្ពុជា​អត់​មាន​ទេ ចាប់​ដោយ​ទំនើង​គឺ​ខុសច្បាប់​»​។​

Filed in: ព័ត៌មានជាតិ

Recent Posts

Bookmark and Promote!

©២០១៣ រក្សាសិទ្ធ​ដោយ​សារព័ត៌មាន សម្លេងនិស្សិតបញ្ញវ័ន្ត | ទូរស័ព្ទ៖ 012924144 / 017655433 | ​ | អ៊ីម៉ែល៖ Email:phoungsreylen@gmail.com

សហការផ្តល់ព័ត៌មាន៖ 012924144 / 017655433 | អ៊ីម៉ែល៖ Email:phoungsreylen@gmail.com