ខេត្តរតនគិរី ៖ សកម្មភាពបទល្មើសព្រៃឈើ នៅខេត្តរតនគិរី ហាក់ដូចជាមិនមានភាពស្រាកស្រានទាល់តែសោះ គឺហាក់ដូចជា លេងបិទពួនជាមួយសមត្ថកិច្ច បិទ បើក លឹបលរ លាក់លួច ប្រមូលទិញ ដឹក ជញ្ជូនទៅលក់នៅប្រទេសជិតខាងឥតឈប់ឈរ ។ ជារៀងរាល់យប់ តែងមានរថយន្តលុចស៊ីសជាច្រើនគ្រឿង បានដឹកឈើចូលទៅកាន់ខេត្តរតនគីរី តាមស្រុកកូនមុំ ខ្លះគ្រាន់តែខ្លះឆ្លងកាត់ ខ្លះគឺដើរប្រមូលទិញឈើដែលគរទុក ឆ្ពោះទៅខេត្តរតនគិរី ដើម្បីយកទៅលក់បន្តនៅប្រទេសវៀតណាម ។
ជាក់ស្តែង វេលាម៉ោង១២ ៖ ៣០នាទី យប់ថ្ងៃទី២០ ខែសីហា ឆ្នាំ ២០១៧ នៅចំណុចស្ពានទី១ ទៅឆ្កែហត ក្នុងភូមិ៣ត្រពាំងក្រហម ស្រុកកូនមុំ មានឡានថង់គ្រីសរលុចស៊ីស ៤,៥ ពណ៌ទឹកប្រាក់់ ពាក់ផ្លាកលេខ ស្វាយរៀង2A 0800 ម្ចាស់បើកបរ ដោយឈ្មោះ ប៉ន ពឿន នៅភូមិខាងលើ បានដឹកឈើប្រណីត ធ្នង់ ប្រមូលទិញទុក ។
ប្រមុខរាជរដ្ឋាភិបាល នាពេលកន្លងទៅ ក៏បាន ចេញនូវបទបញ្ជា ឲ្យបង្ក្រាបនិងទប់ ស្កាត់ រាល់បទល្មើសព្រៃឈើ គ្រប់រូបភាព ឲ្យខានតែបាន ក៏ប៉ុន្តែអនុសាសន៍នេះមិន បានបង្កការភ័យខ្លាច ដល់ក្រុមឈ្មួញ ដែលចេះបង់ផ្លូវ ក៏ដូចជាសមត្ថកិច្ចមួយ ដែលឈរជើងតាមផ្លូវ ផ្តោតយកចិត្តទុកដាក់គោរពនិងអនុវត្តន៍តាមនោះទេ ។ ប៉ុន្តែយូរៗ គេបែរជាឃើញនគរបាលសេដ្ឋកិច្ចចាប់ទៅវិញ ៕