ខេត្តរតនគីរី ៖ លោក សេង កុសល មេបញ្ជាការងកងរាជអាវុធហត្ថស្រុកអូយ៉ាដាវ ដែលល្បីខាងចាប់បង្ក្រាបរថយន្តប្រជាពលរដ្ឋដឹកឈើបន្តិចបន្តួច ឥតត្រាប្រណីនោះ ពេលនេះ ក៏ភ្លាត់ស្នៀត ជាប់អន្ទាក់គេវិញម្តង ។
នៅវេលាម៉ោង ៧ និង ៣០នាទី យប់ថ្ងៃទី ១០ តុលា ឆ្នាំ ២០១៧ នេះ សមត្ថកិច្ចយោធាខេត្តសហការជាមួយកម្លាំងរដ្ឋបាលព្រៃឈើផ្នែកបរកែវ ស្ទាក់ចាប់រថយន្តម៉ាកបាឡែនមួយគ្រឿង ពណ៌ទឹកមាសពាក់ស្លាកលេខ ភ្នំពេញ 2I-8827 ដែលគេដឹងថា រថយន្តនេះ ជាកម្មសិទ្ធិលោក សេង កុសល មានតួនាទីជាមេបញ្ជាការរង អាវុធហត្ថស្រុកអូរយ៉ាដាវ ផ្ទុកឈើធ្នង់ ពេញបង្រុងលួចរត់ពន្ធឆ្លងដែន ដឹកឆ្ពោះទៅកាន់ប្រទេសវៀតណាម ។
សមត្ថកិច្ចប្រាប់ឲ្យដឹងថា បន្ទាប់ពីមានការសង្ស័យរថយន្តដែលមានភិនភាគដូចខាងលើ លោកក៏បញ្ជាឲ្យកម្លាំងយោធា របស់លោកតាមពីក្រោយ ពេលនោះ រថយន្តដឹកេឈើដែល លោក សេង កុសល ជាអ្នកបើកផ្ទាល់ ដឹង មានសមត្ថកិច្ចតាមពីក្រោយ ទើបរូបគេបត់ត្រឡប់ក្រោយ ប៉ុន្តែដោយមានបទបញញជាពីថ្នាក់ដឹកនាំយោធាខេត្ត រថយន្តដឹកឈើធ្នង់នោះត្រូវចាប់បានក្បែរបន្ទាយវរនគរបាលការពារព្រំដែន លេខ ៦២៣ តែម្តង ។
វត្ថុតាងត្រូវបានកម្លាំងយោធា ខេត្តរតនគីរី នាំមករក្សាទុកនៅទីស្នាក់ការផ្នែករដ្ឋបាលព្រៃឈើបរកែវ ដើម្បីចាត់ចែងតាមច្បាប់ស្តីពីព្រៃឈើ ៕