ឧត្តរមានជ័យ ៖ លោក កូយ កាន់យ៉ា ព្រះរាជអាជ្ញាអមសាលាតំបូងខេត្ត បានដឹកនាំជំនាញពាក់ព័ន្ធជាច្រើនស្ថាប័ន រួមមាន៖ រដ្ឋបាលព្រៃឈើ កំលាំងអវុធហត្ថស្រុក អន្លង់វែង កំលាំងនគរបាល ស្រុក ខេត្ត ចុះអនុត្តដីកា លេខ០៥៥ ចុះថ្ងៃទី០៦ ខែតុលា ឆ្នាំ២០១៧ ហត្ថលេខា ដោយលោក ទ្រី សុភ័ត ចៅក្រមស៊ើបសួរសាលាដំបូងខេត្តឧត្តរមានជ័យ ចុះចាប់ ខ្លួនមេឈ្មួញឈើគ្រញូង ឈ្មោះ ង្វៀងធី ហៅយាយ ម៉ាយ ភេទស្រី អាយុ៣៩ឆ្នាំ ជនជាតិវៀតណាម ស្នាក់នៅភូមិ អភិវឌ្ឍន៍ឃុំ-ស្រុក អន្លង់វែង ពីបទប្រមូល និងសន្និធិផលអនុផលព្រៃឈើដោយគ្មានលិខិតអនុញ្ញាត ព្រមទាំងឆែកឆេរ រកឃើញវត្ថុតាងនៅចំណុច ភូមិ១០៥ ឃុំ ផ្អៅ ស្រុកត្រពាំងប្រាសាទរួមមានរថយន្ត ហៃឡិនដឺ ពណ៌ទឹកប្រាក់ គ្មានស្លាកលេខ ០១គ្រឿង ! រថយន្តបាឡែនពណ៌ ទឹកប្រាក់គ្មានស្លាកលេខ០១ គ្រឿង! រថយន្តកាំមារីឆ្លាមពណ៌ស ០១ គ្រឿង ពាក់ស្លាកលេខ 2E.8776 ភព ព្រមទាំងឈើគ្រញួងមួយចំនួន កាលពីវេលាម៉ោង ១២ និង៣៥ នាទី ថ្ងៃទី១៧ ខែវិច្ឆិកា ថ្ងៃមិញនេះ ។
បច្ចុប្បន្ន ជនសង្ស័យខាងលើត្រូវបញ្ជួនទៅសាលាដំបូងខេត្ត ដោយឡែក វត្ថុតាងបញ្ជូនទៅរក្សាទុក នៅរដ្ឋបាលព្រៃឈើខេត្តដោះស្រាយតាមផ្លូវច្បាប់ ៕