ខេត្តបន្ទាយមានជយ័ ៖ កាលពីវេលាម៉ោងជាង១០យប់ថ្ងៃទី១៩ខែវិច្ឆិការឆ្នាំ២០១៧ម្សិលមិញនេះ មានករណីគ្រោះថ្នាក់ចរាចរណ៍គួរឲ្យរន្ធត់មួយបានកើតឡើង ដោយមានបុរសជាជនជាតិចិនម្នាក់បានបើករថយន្តបុករះម៉ូតូចំនួន២គ្រឿងបណ្តាលឲ្យរងរបួសស្រាលនិងធ្ងន់២នាក់ ។
ហេតុការណ៍នេះបានកើតឡើងនៅចំណុចខាងក្រោយកាស៊ីណូផ្កាយ៥ ស្ថិតនៅក្នុងភូមិក្បាលស្ពាន១ សង្កាត់/ក្រុងប៉ោយប៉ែត ខេត្តបន្ទាយមានជ័យ។
បើតាមប្រព័ត៌មានពីប្រជាពលរដ្ឋក៏ដូចជាសន្តិសុខកាស៊ីណូបានឲ្យដឹងថា៖នៅមុនពេលកើតហេតុគេបានឃើញរថយន្តពណ៌ស មួយគ្រឿងគ្មានស្លាក់លេខបើកបរដោយជនជាតិចិន ដោយបើកបរក្នុងល្បឿនយ៉ាងលឿនក្នុងទិសដៅពីត្បូងទៅជើងពោលគឺពីច្រកទ្វាអន្តរជាតិប៉ោយប៉ែតឆ្ពោះទៅកាន់ផ្សាររាត្រី លុះមកដល់ចំណុចកើតហេតុខាងលើ ក៏បានបុកម៉ូតូ១គ្រឿងម៉ាកឃ្លីក 06 ពណ័ក្រហមលាយខ្មៅគ្មានស្លាកលេខបើកបរដោយបុរសជនជាតិខ្មែរម្នាក់មិនស្គាល់អត្តសញ្ញាណបណ្តាលឲ្យម៉ូតូខូចខាត់ផ្នែកខាងក្រោយទាំងស្រុង។ចំណែកអ្នកបើបរងរបួស។ស្រាលទៅមន្ទីពេទ្យខ្លួនឯងដោយបន្សល់ទុកម៉ូតូនៅនឹងកន្លែង។
ប្រភពដដែរបន្តថា ៖ បន្ទាប់ពីបុកម៉ូតូខាងលើរថយន្តបង្កបានព្យាយាមបើកគេចតែត្រូវសន្តិសុខកាស៊ីណូបានប្រដេញតាមនិងហៅតាមវិទ្យុទាក់ទងដើម្បីឃាត់រថយន្តនោះលុះមកដល់ចំណុចខាងក្រោយបឹងស្តាឃ្លាតពីកន្លែងកើតហេតុប្រមាណជាង១០០ម៉ែត្រក៏បានបុកម៉ូតូ១គ្រឿងទៀតដែលកំពុងបើកបរបញ្ជ្រាសទិសគ្នាយ៉ាងពេញទំហឹងបណ្តាលឲ្យបុរសជាអ្នកបើកបរម៉ូតូ រងរបួសជាទម្ងន់ដោយបែកក្បាលហូឈាមគួរឲ្យរន្ធត់ចំណែកមធ្យោបាយរងកាខូចខាតទាំងស្រុងដោយដាច់ចេញជាបំណែកៗពីគ្នា ។
ប្រភពដដែលបន្តទៀតថា ៖ បន្ទាប់ពីបុកម៉ូតូ១គ្រឿងនេះទៀតភ្លាមរថយន្តបង្កបន្តព្យាយាមបើគេចទាំងម៉ូតូគៀបជាប់អូសប្រហែល១០០ម៉ែត្រទៅមុខលែងរួច ហើយរថយន្តនោះខូចខាតផ្នែកខាងមុខទាំងស្រុងនិងផ្ទុះពោងសុវត្ថិភាពផងនោះ ត្រូវបានសន្តិសុខកាស៊ីណូចាប់ប្រគល់ឲ្យកម្លាំងកងរាជអាវុធហត្ថតែម្តង។
សូមជំរាបដែរបានឲ្យដឹងថា៖ជនរងគ្រោះមានឈ្មោះរឿង រដ្ឋី ភេទប្រុសអាយុ៣៣ឆ្នាំ ទីកន្លែងកំណើតស្ថិតនៅឃុំល្វា ស្រុកមង្គលបូរី ខេត្តបាត់ដំបង បើកបរម៉ូតូម៉ាកសង់ ពាក់ស្លាកលេខបាត់ដំបង1R-5449។
សូមបញ្ជាក់ដែរថា៖ក្រោយពេលកើតហេតុគេឃើញមានសន្តិសុខកាស៊ីណូ កម្លាំងកងរាជអាវុធហត្ថ កម្លាំងអធិការដ្ឋាននគរបាល កម្លាំងចរាចរណ៍បានចុះមកធ្វើការវាស់វែងនិងរៀបចំដឹកជនរងគ្រោះទៅកាន់មន្ទីពេទ្យដីថ្មីដើម្បីជួយសង្គ្រោះ។
ដោយឡែក មធ្យោបាយពាក់ពន្ឋ័ទាំងអស់ត្រូវបានកម្លាំងសមត្ថយកទៅរក្សាទុកនៅអធិការដ្ឋាននគរបាលក្រុងប៉ោយប៉ែត។
ជុំវិញករណីខាងលើនេះដែរ ប្រជាពលរដ្ឋក៏ដូចជាមជ្ឈដ្ឋានទូទៅបានរិះគន់ទៅលើសមត្ថកិច្ចថាខណៈជនរងគ្រោះកំពុងតែហូឈាមដេកស្តូកស្តឹងជិត១ម៉ោងទៅហើយ មិនឃើញហៅឡានពេទ្យមកជួយបែជានាំគ្នាគិតពីឈរមើលនិងថតរូបទៅវិញ ។
ជាមួយគ្នានេះដែរពួកគាត់បញ្ជាក់ថា ៖ រាល់យានយន្តរបស់ពួកគាត់មានការឆែកឆេនឹងរឹតបន្តឹងជាខ្លាំង ចំណែកឯយានយន្តជនបរទេសហាក់បីដូចជាធូរឡុង ជាក់ស្តែងរថយន្តជនជាតិចិនខាងលើនេះតែម្តងគ្មានស្លាកលេខ បើកបរក្នុងល្បឿនលឿន យ៉ាងអនាធិប្បតេយ្យសមត្ថកិច្ចគ្មានចំណាត់ការឡើយ ៕